मुंबई - Bigg Boss Marathi 5 : 'बिग बॉस मराठी 5' घरात राडा आणि कल्ला रोजच पाहायला मिळत आहे. नुकत्याच पार पडलेल्या नॉमिनेशन टास्कमध्ये टीम अ (A) आणि टीम ब (B)नं स्पर्धा जिंकण्यासाठी 'बिग बॉस'च्या घरात खूप कल्ला केला. नॉमिनेशन टास्क पार पडल्यानंतर आता 'बिग बॉस'च्या घरात कॅप्टन्सी टास्क होईल. आता या टास्कमध्येदेखील कल्ला-राडा होईल. 'बिग बॉस'च्या घरात आज कॅप्टन्सी टास्कदरम्यान खूप राडा होणार आहे. 'बिग बॉस' निर्मात्यानं आजच्या एपिसोडचा प्रोमो शेअर केला आहे. यात निक्की तांबोळी अरबाजला घरातील सदस्यांना मारण्यास सांगताना दिसते. याशिवाय या टास्कदरम्यान अभिजीत सावंत वेदनेनं कळवळताना दिसत आहे.
निक्की तांबोळी घरात करणार कल्ला : आजच्या एपिसोडमध्ये 'बिग बॉस'च्या घरात नवीन कॅप्टन होण्यासाठी नवीन टास्क देण्यात येणार आहे. 'बिग बॉस'च्या नवीन प्रोमोत दिसत आहेत की, नवीन टास्कमध्ये घरातील सदस्यांना होडीत बसून मोती शोधायचे आहेत. यानंतर कॅप्टनसी पदाच्या उमेदवारांना बाजूला काढायचं, असं सांगण्यात येत आहे. दरम्यान, प्रोमोत घरातील सदस्य निक्कीला अडवताना दिसतात. यानंतर ती म्हणते, "मला पकडायचं नाही". याशिवाय अभिजीत म्हणतो, "अरबाज, तुला आतमध्ये जाण्यास परवानगी नाही". यावर निक्की बोलते, "अरबाज घेच , मार याला.. अरबाज मार. याला मार." यानंतर अभिजीतला इजा झाल्याचं दिसतं आणि घरातील सदस्य त्याच्याकडे जाताना दिसतात.
कोण होणार नवा कॅप्टन? : 'बिग बॉस'च्या घरामधील पहिली कॅप्टन अंकिता वालावलकर झाली आहे. आता तिचा कॅप्टन्सीचा कालावधी संपला आहे. आता घरातील नवीन कॅप्टन होण्यासाठी सदस्य खूप प्रयत्न करत आहेत. कॅप्टन्सीसाठी आजच्या एपिसोडमध्ये नेमकं काय घडणार, हे जाणून घेण्यासाठी अनेकजण उत्सुक आहेत. टास्क जिंकून 'बिग बॉस' मराठीच्या घरामधील नवीन कॅप्टन कोण होणार, हे काही वेळात समजेल. 'बिग बॉस मराठी 5' हा शो अधिकाधिक रंजक होत चालला आहे. याशिवाय कालच्या एपिसोडमध्ये निक्कीनं वर्षा उसगावंकर यांच्या मातृत्वावर प्रश्न उपस्थित केला. यानंतर आता यूजर्स तिच्यावर भडकले आहेत.
हेही वाचा :
- 'बिग बॉस मराठी 5'मध्ये अंकिता वालावलकर आणि पंढरीनाथ कांबळेबरोबर निक्की तांबोळीनं केला वाद - Bigg Boss Marathi Season 5 Day 16
- रितेश देशमुखनं दिला घरातील सदस्यांना धक्का, अक्षय कुमार होणार 'बिग बॉस मराठी'मध्ये दाखल - Bollywood actor Akshay Kumar
- वर्षा उसगांवकर यांचा अनादर केल्याबद्दल जान्हवी किल्लेकरला केलं यूजर्सनं ट्रोल - Jahnavi disrespecting Varsha
