मुंबई - Bhool Bhulaiyaa 3 First Poster out: 'भूल भुलैया 3' हा चित्रपट दिवाळीला रिलीज होणार आहे. अभिनेता कार्तिक आर्यन, विद्या बालन आणि तृप्ती डिमरी यांच्या चित्रपटाचं नवीन टीझर पोस्टर रिलीज करण्यात आलय. रिलीज झालेल्या पोस्टरमध्ये एका भीतीदायक दरवाजावर एक कुलूप आहे, ज्यावर तंत्र-मंत्राचे धागे बांधलेले आहेत. हाच दरवाजा 'भूल भुलैया'आणि 'भूल भुलैया 2' मध्ये दिसला आहे. 'भूल भुलैया' फ्रेंचाइजीतील हा तिसरा चित्रपट आहे. या चित्रपटाच्या प्रमोशनची घोषणा देखील करण्यात आली आहे. हा चित्रपट दिवाळीच्या मुहूर्तावर रिलीज होत आहे. अनीस बज्मी दिग्दर्शित 'भूल भुलैया 3'च्या पोस्टरमध्ये ओटीटी प्लॅटफॉर्मचं नाव देखील देण्यात आलं आहे.
कुठल्या ओटीटी प्लॅटफॉर्मवर दिसणार : थिएटरमध्ये रिलीज झाल्यानंतर हा चित्रपट ओटीटी प्लॅटफॉर्म नेटफ्लिक्सवर स्ट्रीमिंग होईल. 'भूल भुलैया 3'चा स्ट्रीमिंग पार्टनर नेटफ्लिक्स असल्याचं पोस्टरवर दिसत आहे. अभिनेता कार्तिक आर्यननं बुधवारी 25 सप्टेंबर रोजी सोशल मीडियावर त्याच्या हॉरर-कॉमेडी चित्रपटामधील पहिलं पोस्टर रिलीज केलय. व्हायरल झालेल्या या पोस्टरवरून हे स्पष्टपणे दिसत आहे की, पुन्हा एकदा मंजुलिकाची सावली कुटुंबातील सदस्यांवर पडेल. यानंतर कार्तिक आर्यन जो रूह बाबा बनला आहे, तिच्याबरोबर लढताना दिसेल. दरम्यान या पोस्टवर कार्तिकनं लिहिलं, 'दार उघडेल…या दिवाळीत, 'भूल भुलैया 3'. दरम्यान बॉक्स ऑफिसवर 'भूल भुलैया 3'ची 'सिंघम अगेन'बरोबर टक्कर होईल.
'भूल भुलैया 3' करणार बॉक्स ऑफिसवर धमाका : 'भूल भुलैया 3'ची प्रचंड क्रेझ आहे. कार्तिकचे चाहते या चित्रपटाच्या रिलीजची वाट सध्या पाहात आहेत. 'भूल भुलैया 3' चित्रपटात तृप्ती डिमरी पहिल्यांदाच कार्तिक आर्यनबरोबर स्क्रिन शेअर करताना दिसणार आहे. या चित्रपटात विद्या बालन पुन्हा एकदा मंजुलिकाच्या भूमिकेत परतणार आहे. याशिवाय माधुरी दीक्षित महत्त्वाच्या सीक्वेन्समध्ये असणार आहे. तसंच 'भूल भुलैया 3'मध्ये विजय राज, राजपाल यादव, संजय मिश्रा, अश्विनी काळसेकर हे कलाकार देखील झळकणार आहेत. या चित्रपटामध्ये हे कलाकार रुपेरी पडद्यावर धमाल करताना दिसणार आहेत.
हेही वाचा :
- 'सिंघम अगेन' आणि 'भूल भुलैया 3'ला दिवाळीच्या दिवशी होणार प्रदर्शित, अजय-कार्तिकची बॉक्स ऑफिसवर टक्कर - singham again
- कार्तिकनं 'कॉल मी बे' स्क्रिनिंगमध्ये साराला मारली मिठी, अनन्या पांडेचा चेहरा झाला लालेलाल... - Call Me Bae screening
- कार्तिक आर्यन स्टारर 'भूल भुलैया 3'चा टीझर आणि ट्रेलर लवकरच होईल रिलीज - Bhool Bhulaiyaa 3
