'मिनिमम' चित्रपटाचा प्रीमियरच्या निमित्तानं हृतिक रोशननं केलं सबा आझादच्या टॅलेंटचे कौतुक - HRITHIK ROSHAN

HRITHIK ROSHAN : हृतिक रोशनची गर्लफ्रेंड सबा आझादच्या 'मिनिमम' चित्रपटाचा प्रीमियर लंडनमधील 26 व्या यूके आशियाई चित्रपट महोत्सवात होत आहे. रोशनने इंस्टाग्रामवर आझादच्या टॅलेंटचे कौतुक करत आपला उत्साह शेअर केला आहे.

मुंबई - HRITHIK ROSHAN : बॉलिवूड अभिनेता हृतिक रोशनने त्याची गर्लफ्रेंड सबा आझादच्या 'मिनिमम' या चित्रपटाचं समर्थन केलं आहे. या चित्रपटाने 26 व्या यूके आशियाई चित्रपट महोत्सवाचा शुभारंभ होत आहे. अभिनेता हृतिक रोशन आपली जोडीदार आणि गायिका सबा हिच्यावरील प्रेम व्यक्त करण्यासाठी कधीही मागे हटत नाही. अलीकडेच, यूके आशियाई चित्रपट महोत्सव सुरू होताना त्याने 'मिनिमम' चित्रपटासाठी त्याच्या प्रेयसीचं कौतुक केलं.

'मिनिमम' चित्रपटाचा प्रीमियर (Hritik Roshan Instagram story screen shot)

सबा आझादचा चित्रपट युके फिल्म फेस्टिव्हलमध्ये झळकतोय याचा आनंद हृतिक लपवू शकला नाही. त्याने अलीकडेच सबा आणि तिच्या मिनिमम चित्रपटातील कलाकारांचे कौतुक केले. इन्स्टाग्रामवर हृतिकने सबाच्या चित्रपटाची प्रशंसा करताना तिच्यावर प्रेमाचा वर्षाव केला. लंडनमध्ये 26 व्या यूके आशियाई चित्रपट महोत्सवाची सुरुवात होणाऱ्या सबाच्या चित्रपटाचे पोस्टर ह्रतिकने आपल्या इन्स्टाग्राम स्टोरीजवर पोस्ट केले आहे.

त्याच्या प्रेयसीसाठी आणि 'मिनिमम' चित्रपटाच्या संपूर्ण टीमसाठी हृतिक रोशनने लिहिले, " स्वर वादक वाजवताना पाहण्याचा आनंद. हे आश्चर्यकारक असेल." या चित्रपटाचे दिग्दर्शन रुमाना मोल्ला या नवोदित दिग्दर्शकाने केले आहे. सबा व्यतिरिक्त चित्रपटात नमित दास, गीतांजली कुलकर्णी, रुमाना, नसीरुद्दीन शाह आणि सबा यांच्या भूमिका आहेत.

हृतिक रोशन आणि सबा आझाद यांनी काही काळ डेटिंग केल्यानंतर इन्स्टाग्रामवर त्यांचे नाते सर्वांसमोर उघड केले आहे. तेव्हापासून या जोडप्याने सोशल मीडियावर एकमेकांबद्दलचे प्रेम जाहीरपणे दाखवले आहे. सार्वजनिक आणि खासगी प्रसंगी या जोडप्याला त्यांना अनेकदा एकत्र पाहिले जाते.

कामाच्या आघाडीवर हृतिक अलीकडेच दीपिका पदुकोण, अनिल कपूर, करण सिंग ग्रोव्हर आणि इतर कलाकारांच्या भूमिका असलेल्या 'फायटर' या अ‍ॅक्शन-थ्रिलरमध्ये दिसला होता. या चित्रपटामुळे लोकप्रियतेच्या शिखरावर पोहोचलेला असताना, हृतिक रोशन सध्या त्याच्या आगामी 'वॉर 2' या चित्रपटाच्या शूटिंगमध्ये गुंतला आहे. हा चित्रपट 'वॉर' (2019) चा सिक्वेल आहेय या चित्रपटामध्ये हृतिक रोशन, टायगर श्रॉफ आणि वाणी कपूर यांनी भूमिका केल्या होत्या.

हेही वाचा -