मुंबई - Aditya Roy-Kapoor Ananya Panday: अभिनेत्री अनन्या पांडे आणि अभिनेता आदित्य रॉय कपूर हे बी-टाऊनमधलं कथित कपल आहे. या जोडप्याने त्यांच्या नात्याचा उघड स्वीकार केला नसला तरी, त्यांच्या वैयक्तिक आयुष्याबद्दल अनेकदा चर्चा सोशल मीडियावर होत असते. लोल्लापलूझामध्ये अनन्या आणि आदित्य हे एकत्र दिसले. आता या कथित कपलचा व्हिडिओ सोशल मीडियावर व्हायरल होत आहे. या दोघांनी गॉर्डन मॅथ्यू थॉमस समनरच्या मैफिलीचा एकत्र आनंद लुटला. अनन्या पांडे आणि आदित्य रॉय कपूरसाठी परदेशी कलाकाराचा परफॉर्मन्स डेट नाईटपेक्षा कमी नव्हता. दरम्यान, या कपलचा व्हिडिओ पापाराझीनं त्याच्या अधिकृत अकाउंटवर शेअर केला आहे.
आदित्य रॉय कपूर आणि अनन्या पांडे झाले स्पॉट : व्हिडिओमध्ये आदित्य रॉय कपूर कॅज्युअल लूकमध्ये दिसत आहे. त्यानं कार्गो स्टाईल पॅन्ट, टोपी, चेकचा शर्ट घातला आहे. दरम्यान, अनन्यानं लाल रंगाच्या टॉपवर ब्लू जीन्स परिधान केली आहे. या लूकमध्ये दोघेही खूप सुंदर दिसत आहेत. आजकाल अनन्या पांडे ही आदित्य रॉय कपूरबरोबर अनेक कार्यक्रमात आणि परदेशात सहलीचा आनंद घेताना दिसते. अनन्या पांडे चित्रपट 'खो गये हम कहाँ'च्या यशाचा आनंद घेत आहे. 'खो गये हम कहाँ'मध्ये तिच्याबरोबर सिद्धांत चतुर्वेदी आणि आदर्श गौरव यांनी काम केलंय. या चित्रपटाचं दिग्दर्शन अर्जुन वरण सिंग यांनी आहे. 'खो गये हम कहाँ' चित्रपटाला चांगला प्रतिसाद मिळाला आहे.
वर्कफ्रंट : आदित्य आणि अनन्याच्या वर्कफ्रंटबद्दल बोलायचं झालं तर, शेवटी तो 'गुमराह'मध्ये मृणाल ठाकूरसोबत दिसला होता. आता पुढं त्याचा 'मलंग 2' हा चित्रपट रुपेरी पडद्यावर येणार आहे. याशिवाय तो अनुराग बसू दिग्दर्शित 'मेट्रो इन दिनो'मध्ये सारा अली खानसोबत झळकणार आहे. या चित्रपटात फातिमा सना शेख, अली फजल आणि कोंकणा सेन शर्मा यांच्यासह अनेक कलाकार आहेत. दुसरीकडे अनन्या पांडेच्या वर्कफ्रंटबद्दल बोलायचं झालं तर ती 'द अनटोल्ड स्टोरी ऑफ सी. शंकरन नायर' या चित्रपटामध्ये अक्षय कुमारबरोबर दिसणार आहे.
हेही वाचा :
