मुंबई - Aditi Rao Hydari and Siddharth : साऊथ अभिनेता सिद्धार्थ आणि अभिनेत्री अदिती राव हैदरी यांच्याबद्दल कालच्या बातम्यांमध्ये असे बोलले जात होते की या जोडप्यानं तेलंगणातील एका मंदिरात जाऊन गुपचूप लग्न केलं. मात्र आज सिद्धार्थ आणि अदिती राव हैदरी यांनी सोशल मीडियावर एंगेजमेंट रिंग्जबरोबचा फोटो शेअर करून सर्वांना सुखद धक्का दिला आहे. हा फोटो शेअर करत सिद्धार्थनं लिहिलं आहे की, "ती हो म्हणाली आणि आम्ही एंगेज्ड झालो." याशिवाय अदितीनं फोटो शेअर करत लिहिलं, "तो हो म्हणाला आणि आम्ही एंगेज्ड झालो." आता या जोडप्याच्या पोस्टवर अनेकजण कमेंट्स करून त्यांच्यावर शुभेच्छांचा वर्षाव करत आहेत.
सिद्धार्थ आणि अदिती चाहत्यांनी दिल्या शुभेच्छा : एका चाहत्यांनं या पोस्ट कमेंट करत लिहिलं, "सिद्धार्थ तू कधी लग्न करणार आहेस?" दुसऱ्यानं लिहिलं, तुमच्या दोघांची जोडी हिट आहे अभिनंदन.'' आणखी एकानं लिहिलं, ''मी तुमच्यासाठी खूप खुश आहे.'' याशिवाय काहीजण या पोस्टवर हार्ट आणि फायर इमोजी पोस्ट करत आहेत. तसंच या पोस्टवर अभिनेत्री प्रियांका चोप्रा, गायिका सोफी चौधरी यांनी अभिनंदन लिहिलं आहे. याशिवाय आयुष्मान खुरानानं ब्लॅक हार्ट इमोजी शेअर केला आहे. सिद्धार्थ आणि अदितीच्या लग्नाची तारीख अजूनही समोर आली नाही. मात्र हे जोडपं लवकरच लग्न करतील असा सध्या अंदाज लावला जात आहे.
या जोडप्याचा पहिला चित्रपट : 2021 साली या जोडप्यानं पहिल्यांदा एकत्र तेलुगु चित्रपट 'महा समुद्रम'मध्ये काम केलं होतं. यानंतर सिद्धार्थ आणि अदितीची प्रेमकहाणी सुरू झाली असल्याचं बोललं जात आहे. या चित्रपटानंतर ही जोडी बी-टाऊनच्या अनेक कार्यक्रमांमध्ये एकत्र दिसले. याशिवाय अनेकदा हे जोडपं एकमेकांबरोबरचे फोटो सोशल मीडियावर शेअर करतात. अदिती रावचं पहिलं लग्न 2009 मध्ये अभिनेता सत्यदीप मिश्राबरोबर झालं होतं. लग्नानंतर अवघ्या चार वर्षांनी त्यांचा घटस्फोट झाला. यानंतर 2023 मध्ये सत्यदीप मिश्रानं ज्येष्ठ बॉलिवूड अभिनेत्री नीना गुप्ता यांची मुलगी मसाबा गुप्ताबरोबर लग्न केलं. मसाबा गुप्ताचंही हे दुसरं लग्न होतं. तसंच सिद्धार्थनं 2003 मध्ये मेघना नारायणबरोबर पहिलं लग्न केलं होतं. लग्नाच्या चार वर्षानंतर सिद्धार्थचा घटस्फोट झाला. आज सिद्धार्थचं वय 44 आणि आदितीचं वय 37 वर्षे आहे.
हेही वाचा :
