हैदराबाद : भारतात दरवर्षी कोणत्या ना कोणत्या राज्यात विधानसभा निवडणुका होतात, त्याशिवाय दर पाच वर्षांनी लोकसभा निवडणुकीची तयारीही केली जाते. येत्या काही महिन्यांत लोकसभेच्या निवडणुका होणार आहेत. या निवडणुकीची संपूर्ण जबाबदारी भारताच्या निवडणूक आयोगावर आहे. ज्यामुळे देशभरातील लोकांना मतदानाबाबत जागरुकता येते. 25 जानेवारीला राष्ट्रीय मतदार दिनही साजरा केला जाणार आहे. या दिवशी देशभरात विविध कार्यक्रम आयोजित केले जातात आणि लोकांना मतदानासाठी प्रवृत्त केलं जातं. पाहूया दरवर्षी 25 जानेवारीला राष्ट्रीय मतदार दिवस का साजरा केला जातो.
मतदार दिन कधी साजरा केला जातो - भारतीय निवडणूक आयोगाची स्थापना 25 जानेवारी 1950 रोजी झाली. त्यानंतर 26 जानेवारी रोजी देशात संविधान लागू झाले. पूर्वी हा दिवस फक्त स्मरणात ठेवला जात होता. परंतु 2011 पासून तो मतदार दिवस म्हणून साजरा केला जाऊ लागला. तत्कालीन राष्ट्रपती प्रतिभा पाटील यांनी 25 जानेवारी 2011 रोजी पहिल्यांदा राष्ट्रीय मतदार दिन साजरा केला. तेव्हापासून राष्ट्रीय मतदार दिवस दरवर्षी 25 जानेवारी रोजी देशभरात साजरा केला जातो.
तरुण मतदारांना जागरूक करण्याचं काम करा : या राष्ट्रीय मतदार दिनाचा मुख्य उद्देश नागरिकांमध्ये निवडणूक जागृती निर्माण करणे आणि त्यांना निवडणूक प्रक्रियेत सहभागी होण्यासाठी प्रोत्साहित करणे हा आहे. देशातील मतदारांना समर्पित, राष्ट्रीय मतदार दिनाचा उपयोग मतदारांची, विशेषत: नवीन तरुण मतदारांची नोंदणी करण्याच्या सुविधेसाठी केला जातो. राष्ट्रीय मतदार दिनानिमित्त विविध शिबिरांचं आयोजन करून प्रथमच मतदारांना त्यांचे मतदार छायाचित्र ओळखपत्र दिले जाते. तरुणांसाठी अनेक ठिकाणी सेल्फी पॉइंटही उभारण्यात येतात. भारत 14 वा राष्ट्रीय मतदार दिन साजरा करणार आहे. यासाठी निवडणूक आयोगाने सर्व राज्ये आणि जिल्ह्यांमध्ये तयारी केली आहे.
कोणाला मतदान करता येईल - वयाची १८ वर्षे पूर्ण केलेले भारतीय नागरिक भारताच्या निवडणूक प्रक्रियेत भाग घेऊ शकतात. मतदान करण्यासाठी भारतीय निवडणूक आयोगाच्या नागरिक मतदार यादीमध्ये नोंदणी करणे आवश्यक आहे. उमेदवार अधिकृत वेबसाइटवर ऑनलाइन अर्ज करू शकतात. पडताळणीनंतर निवडणूक आयोगाकडून मतदार ओळखपत्र संबंधितांना दिले जाते. मतदार ओळखपत्र मिळवणे ही अतिशय सोपी प्रक्रिया आहे.
हेही वाचा :
