मुंबई International Labour Day 2024 : आंतरराष्ट्रीय कामगार दिन हा 1 मे रोजी साजरा केला जातो. हा दिवस मे दिवस, कामगार दिन म्हणूनही ओळखला जातो. हा दिवस कामगारांचे हक्क, न्याय आणि कामाच्या परिस्थितीबद्दल बोलणे, समस्या जाणून घेणे आणि सुधारणा करण्याशी संबंधित आहे. दरवर्षी आंतरराष्ट्रीय कामगार दिनासाठी एक विशेष थीम निवडली जाते. हवामान बदलादरम्यान कामाच्या ठिकाणी सुरक्षितता आणि आरोग्य सुनिश्चित करणे ही यावर्षीची थीम आहे. या थीमद्वारे कामगारांचे आरोग्य आणि सुरक्षिततेवर भर दिला जाणार आहे.
कामगार दिवसाचा इतिहास : 1886 साली कामगारांनी कामाच्या वेळेवरून आंदोलन केल्यावर या दिवसाची सुरुवात झाली. त्या काळात मजुरांना प्रत्येकी 15 तास काम करावं लागत होतं. 1886 मध्ये शिकागोच्या मार्केटमध्ये दंगल झाली आणि यानंतर 15 तासांच्या कामाच्या शिफ्टमध्ये एका कामगारांचा मृत्यू झाला. या दिवशी लाखोंच्या संख्येने लोक रस्त्यावर आले. यानंतर कामाचे तास 8 तास असावे आणि आठवड्यातून एक सुट्टी द्यावी, अशी मागणी या लोकांनी केली होती. या संपादरम्यान कामगार आणि पोलिसांमध्ये चकमक झाली. या चकमकीत पोलिसांसह अनेक कामगारांचा मृत्यू झाला. यानंतर 1 मे 1889 रोजी एक बैठक झाली आणि हा दिवस कामगार दिन म्हणून साजरा करण्याचा निर्णय घेण्यात आला.
भारतात कधी पासून कामगार दिवस सुरू झाला : 1 मे 1889 रोजी अमेरिकेनं कामगार दिन साजरा करण्याच्या प्रस्तावाच्या 34 वर्षांनंतर भारतात कामगार दिन साजरा करण्यास सुरुवात झाली. देशात कामगार दिन सर्वप्रथम चेन्नई येथे 1923 मध्ये सुरू झाला. श्रमिक किसान पार्टी ऑफ हिंदुस्थानच्या अध्यक्षतेखाली कामगार दिन साजरा करण्याची घोषणा करण्यात आली. त्यानंतर देशातील इतर अनेक कामगार संघटनांनीही हा दिवस साजरा करण्यास सुरुवात केली. भारतात दरवर्षी 1 मे रोजी कामगार दिन साजरा केला जातो, या दिवशी अनेक राज्यांमध्ये सार्वजनिक सुट्टी देखील दिली जाते. हा दिवस प्रत्येक कामगारांसाठी महत्वाचा आहे.
हेही वाचा :
- आंतरराष्ट्रीय नृत्य दिवस 2024 : सांस्कृतिक चळवळीला चालना देणारा आंतरराष्ट्रीय नृत्य दिवस, जाणून घ्या इतिहास आणि महत्व - International Dance Day 2024
- 'आंतरराष्ट्रीय बालपुस्तक दिना'निमित्त लहान मुलांना पुस्तक वाचण्याची सवय लावा... - international childrens book day
- ऑटिझमने प्रभावित असलेल्या प्रसिद्ध व्यक्तींबद्दल जाणून घ्या... - World Autism Awareness Day 2024
