भोपाळ Ujjain BJP leader Murder : मध्य प्रदेशातील उज्जैनमधून खळबळजनक घटना समोर आली आहे. अज्ञात चोरट्यांनी दरोडा टाकल्यानंतर भाजपा नेते रामनिवास कुमावत आणि त्यांच्या पत्नीची हत्या केली. उज्जैनच्या देवास रोडवर असलेल्या पिपलोडा गावात ही घटना घडली. हत्येची माहिती मिळताच पोलिसांनी घटनास्थळ गाठून या प्रकरणाचा तपास सुरू केला. दरम्यान, या हत्याकांडानं परिसरात खळबळ उडाली असून ग्रामस्थांमध्ये भीतीचं वातावरण आहे.
घरात सामान विखुरलेलं : सदरील घटना आज (27 जानेवारी) पहाटे घडल्याचं सांगण्यात येत आहे. घटनेची माहिती मिळताच पोलीस घटनास्थळी पोहोचले. वरिष्ठ पोलीस अधिकारीही घटनास्थळी हजर असून घरातील साहित्य विखुरलेलं असल्यानं घरात दरोडा पडल्याचा संशय बळावला. गावातील लोक मोठ्या संख्येनं घराबाहेर जमले आहेत. एसपी सचिन शर्मा आणि अतिरिक्त एसपी ग्रामीण नितेश भार्गव यांच्यासह सर्व पोलीस अधिकारी या घटनेचा तपास करण्यात व्यस्त आहेत. आरोपी कोणीही असलं तरी त्याला लवकरच अटक करण्यात येईल, असं पोलिसांचं म्हणणं आहे. रामनिवास कुमावत यांना एक मुलगा आणि एक मुलगी आहे.
तपासासाठी एसआयटी स्थापन : याप्रकरणी अधिक माहिती देत एसपी सचिन शर्मा म्हणाले की, "भाजपा नेता आणि त्यांच्या पत्नीची हत्या करण्यात आली आहे. धारदार शस्त्रांनी वार करून दोघांची हत्या केल्याची शक्यता आहे. घरातील सामान विखुरलेलं होतं, तर घरातील सीसीटीव्ही कॅमेरेही खराब झाले आहेत. दोन्ही मृतदेह पोस्टमॉर्टमसाठी पाठवण्यात आले असून पोस्टमॉर्टम रिपोर्ट आल्यानंतर हत्येसाठी कोणते हत्यार वापरण्यात आलं हे कळेल. तसंच तपासासाठी एसआयटी स्थापन केली जाईल", असंही शर्मा यांनी सांगितलं.
हेही वाचा -
- Kamble Double Murder Case: बहुचर्चित उषा आणि राशी कांबळे हत्याकांड प्रकरण; आरोपींना दुहेरी जन्मठेपेची शिक्षा
- Andhra Crime : दुहेरी हत्याकांड! लग्नाला झाले अवघे 15 दिवस; 'या' कारणामुळे केली थेट पत्नी व सासूची हत्या
- Ahmednagar Crime News: पत्नी- सासूचा खून करून फरार झालेल्या घरजावयाची आत्महत्या, खुनानंतर स्वतःच्या आईकडे सोपवली मुलगी
