कन्नौज (उत्तर प्रदेश) Actress Sunny Leone Admit Card : उत्तर प्रदेशातील पोलीस कॉन्स्टेबल भरती परीक्षेच्या पहिल्या दिवशी कन्नौज जिल्ह्यातील पोलीस भरती परीक्षेला बसलेल्या एका उमेदवाराचं प्रवेशपत्र सोशल मीडियावर चांगलंच व्हायरल झालं. या प्रवेशपत्राबाबत अधिकारी चिंतेत असतानाच हे प्रवेशपत्र सगळीकडं चर्चेचा विषय ठरलंय. त्याला कारणही तसंच आहे. कारण हे प्रवेशपत्र चक्क सनी लिओनीचं असल्याचं निदर्शनास आलंय. इतकच नव्हे तर यावर तिचा फोटोही छापण्यात आलाय.
नेमकं प्रकरण आहे तरी काय : हे प्रकरण उत्तर प्रदेशातील कन्नौज जिल्ह्यातील तिरवा शहर परिसरातील एका महाविद्यालयाशी संबंधित आहे. तिथं पोलीस कॉन्स्टेबल भरतीची परीक्षा घेतली जात होती. त्याच परीक्षा केंद्रावर एका परिक्षार्थीच्या प्रवेशपत्रावर चक्क सिनेस्टार सनी लिओनीचा फोटो छापण्यात आला होता. प्रवेशपत्रावर सनी लिओनीच्या फोटोमुळं कोणीतरी हे प्रवेशपत्र सोशल मीडियावर व्हायरल केलं. हे प्रवेशपत्र सोशल मीडियावर व्हायरल होताच ते राज्यात नव्हे तर देशात वाऱ्यासारखं पसरलं.
मुळ परिक्षार्थी विद्यार्थ्याला बसला फटका : प्रवेशपत्रावर लिहिलेल्या क्रमांकावर फोनवरुन माहिती घेतली असता, संबंधित विद्यार्थ्यानं लोकसेवा केंद्रातून फॉर्म भरल्याचं सांगितलं. पण तो फोटो कसा बदलला याची त्याला माहिती नाही. हा फोटो बदलल्यामुळं तो परीक्षेलाही बसू शकला नाही. या प्रवेशपत्रावर नमूद केलेला पत्ता मुंबईचा आहे. तर नोंदणी करताना गृहजिल्हा कन्नौज असा उल्लेख करण्यात आला होता. या प्रवेशपत्रावर एकही परिक्षार्थी परीक्षेला बसला नसल्याचं संबंधित महाविद्यालय प्रशासनाकडून सांगण्यात आलंय.
प्रकरणाची गांभिर्यानं चौकशी सुरु : स्थानिक अधिकाऱ्यांना या प्रकरणाची माहिती मिळाल्यानंतर त्यांनी सांगितलं की, या प्रवेशपत्रात एडिटिंग करण्यात आलं असून या प्रकरणाचा गांभीर्यानं तपास सुरु आहे. असं कृत्य करणाऱ्यांना सोडलं जाणार नाही. कन्नौज जिल्ह्यात 17 आणि 18 फेब्रुवारी रोजी पोलीस कॉन्स्टेबल भरती परीक्षा आहे. यात पहिल्या दिवशी 9464 उमेदवारांनी 10 परीक्षा केंद्रांवर परीक्षा दिलीय.
हेही वाचा :
