മലപ്പുറം: മഞ്ചേരി നറുകരയില്‍ വെച്ച് രണ്ട് കിലോയിലധികം കഞ്ചാവുമായി യുവാവ്‌ പിടിയില്‍. ഏറനാട് താലൂക്കില്‍ കിടങ്ങഴി ദേശത്ത് നറുകണ്ടിപള്ളിയാളി വീട്ടില്‍ അബ്‌ദുല്‍ കരീമിന്‍റെ മകന്‍ നിഷാല്‍ പള്ളിയാളിയെയാണ് കസ്‌റ്റഡിലെടുത്തത്‌. മഞ്ചേരി എക്‌സൈസ് സര്‍ക്കിള്‍ ഇന്‍സ്‌പെക്‌ടര്‍ ടി അശോക് കുമാറും സംഘവുമാണ് പിടികൂടിയത്‌. മഞ്ചേരി ബസ് സ്‌റ്റാന്‍റ് കേന്ദ്രീകരിച്ചും പരിസര പ്രദേശങ്ങളിലെ വിദ്യാലയങ്ങള്‍ കേന്ദ്രീകരിച്ചും വിദ്യാര്‍ഥികള്‍ക്കിടയിലും അന്യസംസ്ഥാന തൊഴിലാളികള്‍ക്കിടയിലും കഞ്ചാവ് വില്‍പ്പന നടത്തുന്നയാളാണ് പിടിയിലായതെന്ന്‌ എക്‌സൈസ് സര്‍ക്കിള്‍ ഇന്‍സ്‌പെക്‌ടര്‍ പറഞ്ഞു.
ALSO READ: കോഴിക്കോട് വൻ വഞ്ചാവ് വേട്ട; 20 കിലോ കഞ്ചാവുമായി 3 പേര്‍ പിടിയിൽ
