ഇടുക്കി : നെടുംകണ്ടത്ത് ബൈക്കുകൾ തമ്മിൽ കൂട്ടിയിടിച്ചുണ്ടായ അപകടത്തില്‍ പരിക്കേറ്റ് ചികിത്സയിൽ കഴിഞ്ഞിരുന്ന യുവാവ് മരിച്ചു. നെടുംകണ്ടം നമ്പുടാകം ക്ലിന്‍റ് ജോർജ് ആണ് മരിച്ചത്.
കഴിഞ്ഞ ദിവസം നെടുങ്കണ്ടം പടിഞ്ഞാറെക്കവലയിൽ ബൈക്കുകൾ തമ്മിൽ കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ക്ലിന്‍റിനെ ഉടൻ തന്നെ നെടുംകണ്ടത്തെ ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ പാലായിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.
ഇവിടെ ചികിത്സയിൽ തുടരുന്നതിനിടെ ഇന്നലെ രാത്രിയോടെയാണ് മരണം സംഭവിച്ചത്. നെടുംകണ്ടം പ്രൈവറ്റ് ബസ് സ്റ്റാൻഡിന് എതിർവശം ഉണക്ക മീൻ വ്യാപാരം നടത്തുന്ന ജോർജിൻ്റെ മകനാണ് ക്ലിന്‍റ്.
