അമിത വേഗത്തിലെത്തിയ ബൈക്ക് നിയന്ത്രണം വിട്ടു, പാലത്തിന്‍റെ കൈവരിയിൽ ഇടിച്ച് രണ്ടുപേർക്ക് ദാരുണാന്ത്യം

തൃപ്പൂണിത്തുറ മാത്തൂര്‍ പാലത്തിൽ വച്ച് ഇന്ന് പുലര്‍ച്ചെ ഉണ്ടായ അപകടത്തിൽ ബൈക്ക് യാത്രികരായ രണ്ടുപേർ മരിച്ചു

എറണാകുളം : കൊച്ചിയിൽ വാഹനാപകടത്തിൽ രണ്ടുപേർ മരിച്ചു. വയനാട് മേപ്പാടി കടൂര്‍ സ്വദേശിനി നിവേദിത (21), കൊല്ലം വെളിച്ചിക്കാല സ്വദേശി സുബിന്‍ (19) എന്നിവരാണ് മരിച്ചത്. തൃപ്പൂണിത്തുറ മാത്തൂര്‍ പാലത്തിൽ വച്ച് ഇന്ന് പുലര്‍ച്ചെ ഒരു മണിയോടെയാണ് അപകടം സംഭവിച്ചത്.

അമിത വേഗതയിലെത്തിയ ബൈക്ക് നിയന്ത്രണം വിട്ട് പാലത്തിന്‍റെ കൈവരിയിൽ ഇടിച്ചുവെന്നാണ് പ്രാഥമിക നിഗമനം. പോസ്റ്റ്‌മോർട്ടത്തിന് ശേഷം മൃതദേഹങ്ങൾ ബന്ധുക്കൾക്ക് നൽകും. ഹിൽ പാലസ് പൊലീസ് സംഭവത്തിൽ കേസെടുത്ത് അന്വേഷണം തുടങ്ങി.