ഇടുക്കി : ചെങ്കുളം ബോട്ടിങ് സെന്‍ററിന് സമീപം പണികഴിപ്പിച്ചിട്ടുള്ള 'ടേക്ക് എ ബ്രേക്ക്' പദ്ധതി പ്രവര്‍ത്തന ക്ഷമമാക്കണമെന്ന് ആവശ്യം. പദ്ധതിയുടെ ഭാഗമായി കെട്ടിടവും മറ്റടിസ്ഥാന സൗകര്യങ്ങളും ഒരുക്കിയിട്ടുണ്ടെങ്കിലും സഞ്ചാരികള്‍ക്കായി അത് തുറന്ന് നല്‍കിയിട്ടില്ല. ഈ സാഹചര്യത്തിലാണ് പദ്ധതി പ്രവര്‍ത്തന ക്ഷമമാക്കണമെന്ന ആവശ്യമുയര്‍ന്നിട്ടുള്ളത്.
ദിവസവും നിരവധി വിനോദ സഞ്ചാരികള്‍ വന്ന് പോകുന്ന ഇടമാണ് ചെങ്കുളം ബോട്ടിങ് സെന്‍റര്‍. വിദേശ വിനോദ സഞ്ചാരികളടക്കം ഇവിടെ വന്ന് പോകുന്നുണ്ട്. ഇവിടേക്കെത്തുന്ന വിനോദ സഞ്ചാരികള്‍ക്ക് പ്രയോജനപ്രദമാകും വിധമായിരുന്നു ബോട്ടിങ് സെന്‍ററിന് സമീപം ടേക്ക് എ ബ്രേക്ക് പദ്ധതിയില്‍ കെട്ടിടം പണികഴിപ്പിച്ചത്. പദ്ധതിയുടെ ഭാഗമായി കെട്ടിടവും ശുചിമുറികളടക്കമുള്ള മറ്റടിസ്ഥാന സൗകര്യങ്ങളും ഒരുക്കിയിട്ടുണ്ടെങ്കിലും സഞ്ചാരികള്‍ക്കായി അത് തുറന്ന് നല്‍കിയിട്ടില്ല. ഈ സാഹചര്യത്തിലാണ് പദ്ധതി പ്രവര്‍ത്തന ക്ഷമമാക്കണമെന്ന ആവശ്യമുയര്‍ന്നിട്ടുള്ളത്.
ബോട്ടിങ് സെന്‍ററിലേക്കെത്തുന്ന വിനോദ സഞ്ചാരികള്‍ക്ക് പുറമെ വെള്ളത്തൂവല്‍ ചെങ്കുളം ആനച്ചാല്‍ റൂട്ടിലൂടെ നിരവധിയായ വിനോദ സഞ്ചാരികളും മറ്റ് വാഹനയാത്രികരും കടന്നു പോകുന്നുണ്ട്. ടേക്ക് എ ബ്രേക്ക് പദ്ധതി പ്രവര്‍ത്തനക്ഷമമാക്കുന്നത് ഈ ആളുകള്‍ക്കും സഹായകരമാകും.
ജീപ്പ് സഫാരി നടത്തുന്ന നിരവധി ഡ്രൈവര്‍മാരും ചെങ്കുളം ബോട്ടിങ് സെന്‍ററിന് സമീപമുണ്ട്. വിനോദ സഞ്ചാര വാഹനങ്ങള്‍ക്ക് പാര്‍ക്കിങ് ക്രമീകരിച്ചിരിക്കുന്നതും തുറന്ന് പ്രവര്‍ത്തിപ്പിക്കേണ്ട ഈ ടേക്ക് എ ബ്രേക്ക് പദ്ധതിക്ക് സമീപമാണ്. പദ്ധതി പ്രവര്‍ത്തനക്ഷമമായാല്‍ മെച്ചപ്പെട്ട വരുമാനം നേടിയെടുക്കാനാകും.
