എറണാകുളം: കൊച്ചിയിൽ വിദ്യാർഥിനിയെ കുളത്തിൽ മരിച്ച നിലയിൽ കണ്ടെത്തി. കങ്ങരപ്പടി സ്വദേശിനി അമൃതയാണ് മരിച്ചത്. വീടിന് സമീപത്തുള്ള കുളത്തില്‍ ഇന്ന് (ഓഗസ്‌റ്റ് 19) രാവിലെയാണ് മൃതദേഹം കണ്ടെത്തിയത്.
അമൃതയെ ഇന്നലെ (ഓഗസ്‌റ്റ് 18) രാത്രി മുതൽ കാണാതായിരുന്നു. വീട്ടുകാരും പൊലീസും ബന്ധുക്കളും നാടത്തിയ തെരച്ചിലിന് ഒടുവിൽ രാവിലെ ആറരയോടെയാണ് മൃതദേഹം കുളത്തിൽ കണ്ടെത്തിയത്. ഫയർഫോഴ്‌സ് എത്തി മൃതദേഹം കരയ്‌ക്കെത്തിച്ചു. ഇൻക്വസ്‌റ്റ് നടപടികൾ പൂർത്തിയാക്കി മൃതദേഹം മെഡിക്കൽ കോളജിലേക്ക് മാറ്റി.
എടത്തല കോളജിൽ ബിബിഎ വിദ്യാർഥിനിയാണ് അമൃത. വിദ്യാർഥിനിയുടെ മരണം ആത്മഹത്യയാണെന്നാണ് പൊലീസിന്‍റെ പ്രാഥമിക നിഗമനം. സംഭവത്തിൽ തൃക്കാക്കര പൊലീസ് കേസെടുത്ത് അന്വേഷണം തുടങ്ങി.
ശ്രദ്ധിക്കൂ.. ആത്മഹത്യ ഒരു പ്രശ്‌നത്തിനും പരിഹാരമല്ല. മാനസിക ബുദ്ധിമുട്ടുകളുണ്ടായാല്‍ സഹായത്തിനായി ബന്ധപ്പെടുക, അതിജീവിക്കുക. വിളിക്കാം: 9152987821
Also Read: വിവാഹം കഴിഞ്ഞ് മണിക്കൂറുകൾ മാത്രം; ഭാര്യയെ കൊലപ്പെടുത്തി ഭർത്താവ് ജീവനൊടുക്കി
