കൊച്ചി : സ്വാതന്ത്ര്യ ദിന അവധിയിലെ തിരക്ക് പരിഗണിച്ച് സതേൺ റെയിൽവേ അനുവദിച്ച സ്പെഷ്യല്‍ ട്രെയിനില്‍ ടിക്കറ്റുകള്‍ ഒഴിവ്. മംഗളൂരു - കൊച്ചുവേളി റൂട്ടില്‍ ഓടുന്ന സ്പെഷ്യൽ ട്രെയിനിലാണ് ടിക്കറ്റുകള്‍ ഒഴിവുള്ളത്. ആഗസ്റ്റ് 17-ന് രാത്രി 7.30-ന് മംഗളൂരുവിൽ നിന്ന് പുറപ്പെടുന്ന ട്രെയിൻ 18-ന് രാവിലെ കൊച്ചുവേളിയിലെത്തും.
ആഗസ്റ്റ് 18-ന് വൈകിട്ട് 6.40-ന് കൊച്ചുവേളിയിൽ നിന്ന് മംഗളൂരുവിലേക്ക് ട്രെയിന്‍ പുറപ്പെടും. 14 സ്ലീപ്പര്‍കോച്ചുകളും, 3 ജനറൽ കംപാട്ട്മെന്‍റുകളുമാണ് ട്രെയിനിനുള്ളത്. ഐആര്‍സിടിസിയുടെ ആപ്പ് വഴിയും യാത്രക്കാര്‍ക്ക് ടിക്കറ്റ് ബുക്ക് ചെയ്യാം.
ട്രെയിന്‍ കേരളത്തിലെ വിവിധ സ്‌റ്റേഷനുകളില്‍ എത്തുന്ന സമയം
- ശനിയാഴ്‌ച രാത്രി 07:30-ന് മംഗളൂരു ജങ്ഷന്‍
- 08:03- കാസർകോട്
- 08:23- കാഞ്ഞങ്ങാട്
- 08:44- പയ്യന്നൂർ
- 09:17- കണ്ണൂർ
- 09:39-തലശേരി
- 09:58- വടകര
- 10:37- കോഴിക്കോട്
- 11:14- തിരൂർ
- 01:10- ഷൊർണൂർ
- 01:55-തൃശൂർ
- 02:48- ആലുവ
- 03: 25 - എറണാകുളം ജങ്ഷൻ
- 04:32- ആലപ്പുഴ
- 05:23- കായംകുളം
- 06:16- കൊല്ലം
- 08:00- കൊച്ചുവേളി
Also Read : കാലുകുത്താൻ ഇടമില്ലാതെ ജനറല്‍ കോച്ചുകള്‍; മലബാറിലെ ട്രെയിന്‍ യാത്രയ്‌ക്ക് ദുരിതമേറുന്നു
