മലപ്പുറം: പുതിയ പാര്‍ട്ടി രൂപീകരണം പ്രഖ്യാപിച്ച് നിലമ്പൂർ എംഎൽഎ പിവി അൻവർ. ഇടതുപക്ഷവുമായുള്ള ബന്ധം അവസാനിപ്പിച്ച സാഹചര്യത്തിലാണ് അൻവറിന്‍റെ പുതിയ തീരുമാനം. പരിപൂര്‍ണ മതേതര രാഷ്ട്രീയ കക്ഷിയാവും രൂപീകരിക്കുകയെന്ന് അൻവർ പറഞ്ഞു. പഞ്ചായത്ത് തെരഞ്ഞെടുപ്പില്‍ മുഴുവന്‍ പഞ്ചായത്തുകളിലും മത്സരിക്കും. ഞായറാഴ്‌ച മഞ്ചേരിയില്‍ ജില്ലാതല വിശദീകരണ യോഗം നടത്തും. ഒരു ലക്ഷം പേരെ യോഗത്തിൽ പ്രതീക്ഷിക്കുന്നുവെന്നുണ്ടെന്നും അൻവർ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
'സമാന ആശയമുള്ളവരെ ഒപ്പം നിര്‍ത്തും. മുഖ്യമന്ത്രി പിണറായി വിജയന്‍ രാജിവച്ചൊഴിയുന്നതാണ് നല്ലത്. ഹിന്ദു പത്രവുമായി ചേർന്ന് അദ്ദേഹം നാടകം കളിക്കുകയാണ്. അഭിമുഖം വന്ന് 32 മണിക്കൂറിനു ശേഷമാണ് മുഖ്യമന്ത്രിയുടെ ഓഫിസ് പ്രതികരിച്ചത്. അഭിമുഖത്തിന്‍റെ ഓഡിയോ പുറത്തുവിടാന്‍ ഹിന്ദു പത്രം ഒരുക്കമുണ്ടോയെന്നും അൻവർ ചോദിച്ചു. പിണറായി ഒഴിഞ്ഞാല്‍ റിയാസിനെ മുഖ്യമന്ത്രിയാക്കാമല്ലോയെന്നും അൻവർ പറഞ്ഞു.
