'പിൻസീറ്റിൽ ആയിരുന്നതിനാൽ കാര്യങ്ങൾ വ്യക്തമല്ല'; ഡ്രൈവര്‍-മേയർ തര്‍ക്കത്തില്‍ കണ്ടക്‌ടറുടെ മൊഴി പുറത്ത് - Mayor ksrtc driver issue

ഡ്രൈവർ യദു ലൈംഗിക ചേഷ്‌ട കാണിച്ചോയെന്ന് തനിക്കറിയില്ലെന്ന് കണ്ടക്‌ടറുടെ മൊഴി

തിരുവനന്തപുരം: മേയർ ആര്യ രാജേന്ദ്രനും കെഎസ്ആർടിസി ബസ് ഡ്രൈവറും തമ്മിലുണ്ടായ തർക്കത്തിൽ, ഡ്രൈവർ യദു ലൈംഗിക ചേഷ്‌ട കാണിച്ചോയെന്ന് തനിക്കറിയില്ലെന്ന് കണ്ടക്‌ടറുടെ മൊഴി. സംഭവ സമയം ഡ്യൂട്ടിയിലുണ്ടായിരുന്ന കണ്ടക്‌ടർ സുബിൻ കന്‍റോൺമെന്‍റ്‌ പൊലീസിനാണ് മൊഴി നൽകിയത്.

താൻ പിൻസീറ്റിൽ ആയിരുന്നതിനാൽ കാര്യങ്ങൾ വ്യക്തമല്ലെന്നാണ് സുബിന്‍റെ മൊഴി. ബസ് കാറിനെ ഓവർടേക്ക് ചെയ്‌തോയെന്ന് തനിക്കറിയില്ല. ബഹളമുണ്ടായപ്പോൾ മാത്രമാണ് താൻ അറിഞ്ഞതെന്നും സുബിൻ മൊഴി നൽകിയിട്ടുണ്ട്.