കാസർകോട്: ആരിക്കാടിയിൽ വൻ മദ്യ വേട്ട. 216 ലിറ്റർ കർണാടക മദ്യവും 120.96 ലിറ്റർ ഗോവ മദ്യവും എക്‌സൈസ് സംഘം പിടികൂടി. ആരിക്കാടി ടൗണിൽ വച്ചാണ് കാറിൽ കടത്തുകയായിരുന്ന 336.96 ലിറ്റർ മദ്യം പിടികൂടിയത്. സംഭവത്തിൽ വിനീത് ഷെട്ടി , സന്തോഷ് എന്നിവരെ എക്‌സൈസ് അറസ്‌റ്റ് ചെയ്‌തു.
എക്‌സൈസ് എൻഫോഴ്‌സ്മെന്‍റും ആന്‍റിനാർക്കോട്ടിക് സ്‌പെഷ്യൽ സ്‌ക്വാഡും നടത്തിയ പരിശോധനയിലാണ് മദ്യം പിടികൂടിയത്. ഇന്ന് രാവിലെ ആരിക്കാടി ടൗണിൽ വെച്ചാണ് KL13V 4283 നമ്പർ മാരുതി റിട്‌സ് കാറിൽ പരിശോധന നടത്തിയത്. പാർട്ടിയിൽ സിവിൽ എക്‌സൈസ് ഓഫീസർമാരായ മെയ്‌മോൾ ജോൺ, മഞ്ജുനാഥൻ.വി, നസറുദ്ദിൻ. എ. കെ, സോനു സെബാസ്‌റ്റ്യൻ സിവിൽ എക്‌സൈസ് ഓഫീസർ ഡ്രൈവർ ക്രിസ്‌റ്റിൻ എന്നിവർ ഉണ്ടായിരുന്നു.
