തിരുവനന്തപുരം: നരുവാമൂട്ടിൽ പ്രവര്‍ത്തിക്കുന്ന ഫർണിച്ചർ ഗോഡൗണിൽ വൻ തീപിടുത്തം. റിട്ട. എസ് ഐ വിജയന്‍റെ ഉടമസ്ഥതയിലുള്ള ഫർണിച്ചർ ഗോഡൗണിലാണ് തീപിടുത്തം ഉണ്ടായത്. ഇന്ന് വൈകിട്ട് 4 മണിയോടെയായിരുന്നു സംഭവം.
ഗോഡൗൺ ഉടമയോ തൊഴിലാളികളോ സ്ഥലത്ത് ഇല്ലാതിരുന്നതിനാൽ വൻ ദുരന്തം ഒഴിവായി. തീപിടുത്തം ഉണ്ടാകാനുള്ള കാരണം വ്യക്തമല്ല. അഞ്ചുമണിക്കൂറോളം സമയം എടുത്തതാണ് തീ നിയന്ത്രണവിധേയമാക്കിയത്. 12 യൂണിറ്റ് ഫയർഫോഴ്‌സ് സ്ഥലത്തെത്തിയിരുന്നു.
ഗോഡൗൺ പൂർണമായും കത്തി നശിച്ചു. തീപിടുത്തം ഉണ്ടായ ഉടൻ തന്നെ നാട്ടുകാരാണ് വിവരം ഫയർഫോഴ്‌സിനെ അറിയിച്ചത്. ഒരു കോടിയോളം രൂപയുടെ നഷ്‌ടമുണ്ടായെന്നാണ് പ്രാഥമിക നിഗമനം. അപകടസാധ്യത കണക്കിലെടുത്ത് സമീപത്തുള്ളവരെ സുരക്ഷിതസ്ഥാനത്തേക്ക് മാറ്റിയിരുന്നു.
