കാസർകോട്: നീലേശ്വരം അഞ്ഞൂറ്റമ്പലം വീരർക്കാവിലെ കളിയാട്ട മഹോത്സവത്തിനിടെ ഉണ്ടായ വെടിക്കെട്ട് അപകടത്തിൽ പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു. ചെറുവത്തൂർ സ്വദേശി ഷിബിൻ രാജ് (19) ആണ് മരിച്ചത്. നീലേശ്വരം കൊല്ലം പാറ സ്വദേശി ബിജുവിനു പിന്നാലെയാണ് മരണം. ഷിബിൻ രാജിന് 60 ശതമാനത്തിലേറെ പൊള്ളലേറ്റിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഷിബിൻ രാജിനെ ആദ്യം കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും പിന്നീട് വിദഗ്‌ധ ചികിത്സയ്ക്കായി കോഴിക്കോട് സ്വകാര്യ ആശുപത്രിയിലേക്ക് മാറ്റുകയായിരുന്നു. വെൻ്റിലേറ്ററിൽ ജീവൻ നിലനിർത്താൻ ശ്രമിച്ചെങ്കിലും മരണത്തിന് കീഴടങ്ങുകയായിരുന്നു. ഇതോടെ വെടിക്കെട്ട് അപകടത്തിൽ മരിച്ചവരുടെ എണ്ണം നാലായി.
നീലേശ്വരം വെടിക്കെട്ട് അപകടത്തിൽ പൊള്ളലേറ്റ് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന രതീഷും സന്ദീപും നേരത്തെ മരണത്തിന് കീഴടങ്ങിയിരുന്നു.
നിലവിൽ 97 പേർ വിവിധ ആശുപത്രികളിൽ ചികിത്സയിലുണ്ട്. നീലേശ്വരം അഞ്ഞൂറ്റമ്പലം വീരർ കാവ് ക്ഷേത്രത്തിൽ തിങ്കളാഴ്‌ച 12 മണിയോടെയാണ് ഉത്സവത്തിനിടെ പടക്കപുരയ്ക്ക് തീപിടിച്ചത്. 154 ഓളം പേർക്ക് പരിക്കേറ്റിരുന്നു. അതേസമയം സംഭവത്തിൽ എഡിഎമ്മിൻ്റെ അന്വേഷണ റിപ്പോർട്ട് ഉടൻ ജില്ല കലക്‌ടർ കെ ഇമ്പശേഖറിന് കൈമാറും.
Also Read: ഷെഡിൽ നിന്നും തീ പടർന്നു ; അടൂരില്‍ വീടിന് തീപിടിച്ച് വൻ നാശനഷ്‌ടം
