എറണാകുളം: ആലത്തൂരിൽ പൊലീസുദ്യോഗസ്ഥൻ അഭിഭാഷകനോട് മോശമായി പെരുമാറിയ സംഭവത്തിൽ വീണ്ടും വിമർശനവുമായി ഹൈക്കോടതി. പൊലീസ് സേനയെ മെച്ചപ്പെടുത്താൻ കോടതി നിർദേശിക്കുന്ന കാര്യങ്ങള്‍ എന്തെങ്കിലും നടപ്പാക്കുന്നുണ്ടോയെന്ന് സിംഗിൾ ബെഞ്ച് ചോദിച്ചു.
പൊലീസ് സേനയെ പരിഷ്‌കൃതരും പ്രൊഫഷണലുമാക്കുന്നതിൽ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കാൻ ഡിജിപിയ്ക്ക് നിർദേശം. സംസ്ഥാന പൊലീസ് മേധാവി ഓൺലൈനായി ഹാജരായാണ് വിശദീകരണം നൽകേണ്ടത്. ആലത്തൂരിലെ വിഷയവുമായി ബന്ധപ്പെട്ട കോടതിയലക്ഷ്യ ഹർജി ഈ മാസം 26-ന് വീണ്ടും പരിഗണിക്കുന്നുണ്ട്. അന്നേ ദിവസമാണ്, ഡിജിപി ഓൺലൈനായി ഹാജരാകേണ്ടത്.
