കനത്ത മഴ; റോഡരികിൽ നിന്ന മരം കടപുഴകി ആറ്റില്‍ പതിച്ചു - Heavy rain in Kottayam

മരം കടപുഴകി വീണതിനെ തുടർന്ന് റോഡ് തകരുകയും ഗതാഗതം തടസപ്പെടുകയും ചെയ്‌തു.

കോട്ടയം : കനത്ത മഴയിൽ റോഡ് അരികിൽ നിന്ന മരം കടപുഴകി ആറ്റിലേക്ക്‌ പതിച്ചു. കോട്ടയം കുമരകം റോഡിൽ താഴത്തങ്ങാടി ഭാഗത്ത് മീനച്ചിലാറിൻ്റെ തീരത്ത് നിന്ന മാവാണ് ആറ്റിലേക്ക് കടപുഴകി വീണത്. വൻ മരം കടപുഴകി വീണതിനെത്തുടർന്ന് റോഡ് തകർന്നു.

സംഭവത്തെ തുടർന്ന് കോട്ടയം കുമരകം റോഡിൽ വിള്ളൽ ഉണ്ടായി. ഇതോടെ ആറ്റിലേക്ക് മണ്ണിടിച്ചിലും ഉണ്ടായിട്ടുണ്ട്. കോട്ടയം വെസ്‌റ്റ് പൊലീസ് സ്ഥലത്തെത്തി ഈ വഴിയുള്ള ഗതാഗതം ഭാഗീകമായി നിരോധിക്കാനുള്ള നടപടികൾ സ്വീകരിച്ചു.