തിരുവന്തപുരം: ദീപാവലി തിരക്ക് കണക്കിലെടുത്ത് ചെന്നെയില്‍ നിന്ന് കോയമ്പത്തൂര്‍-പാലക്കാട് വഴി കോട്ടയത്തേക്കും കോട്ടയത്ത് നിന്നു തിരിച്ചും പ്രത്യേക തീവണ്ടി സര്‍വീസ് നടത്തും. ചെന്നെയില്‍ നിന്ന് ഇന്ന് (26-10-2024) രാത്രി 11.20 ന് ട്രെയിന്‍ കോട്ടയത്തേക്ക് തിരിക്കും (നമ്പര്‍ 06091). രാത്രി 11.30 ന് ഡോ എംജിആര്‍ ചെന്നെൈ സെന്‍ട്രലില്‍ നിന്ന് യാത്ര തിരിക്കും.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
കോട്ടയത്തേക്കുള്ള യാത്രയില്‍ പെരമ്പൂര്‍, തിരുവള്ളൂര്‍, ആരക്കോണം, കാട്‌പാടി, ജോലാര്‍പേട്ട, സേലം, ഈറോഡ്, തിരുപ്പൂര്‍, കോയമ്പത്തൂര്‍, പാലക്കാട്, തൃശൂര്‍, ആലുവ, എറണാകുളം ടൗണ്‍, ഏറ്റുമാനൂര്‍ സ്റ്റേഷനുകളില് സ്റ്റോപ്പുണ്ട്. ഞായറാഴ്‌ച (ഒക്ടോബര്‍ 27) ഉച്ചയ്ക്ക് 1.55-ന് കോട്ടയത്തെത്തും.
തിരികെ ഒക്ടോബര്‍ 27ന് വൈകിട്ട് 4.45-ന് (നമ്പര്‍ 06092) കോട്ടയത്ത് നിന്നു യാത്ര തിരക്കും. ഏറ്റുമാനൂര്‍, എറണാകുളം ടൗണ്‍, ആലുവ, തൃശൂര്‍, പാലക്കാട്, കോയമ്പത്തൂര്‍, തിരുപ്പൂര്‍, ഈറോഡ്, സേലം, ജോലാര്‍പ്പേട്ട, കാട്‌പാടി, ആരക്കോണം, തിരുവള്ളൂര്‍, പെരമ്പൂര്‍ സ്റ്റേഷനുകളില് സ്റ്റോപ്പുണ്ട്. രാവിലെ 8.20-ന് ഡോ എംജിആര്‍ ചെന്നൈ സെന്‍ട്രല്‍ സ്‌റ്റേഷനിലെത്തും.
ട്രെയിനില്‍ ഒരു എസി ത്രീ ടെയര്‍ കോച്ചും 8 സ്ലീപ്പര്‍ ക്ലാസ് കോച്ചുകളും 10 ജനറല്‍ സെക്കന്‍ഡ് ക്ലാസ് കോച്ചുകളും 2 സെക്കന്‍ഡ് ക്ലാസ് കോച്ചുകളുമുണ്ടെന്ന് റെയില്‍വേ അറിയിച്ചു.
