കാൻസർ രോഗികൾക്ക് നൽകുന്നതിനായി മുടി നീട്ടി വളർത്തി ശ്രീഹരി (ETV Bharat)
ഇടുക്കി : കാൻസർ രോഗികൾക്ക് നൽകുന്നതിനായി മകൻ മുടി നീട്ടി വളർത്തി. പക്ഷേ മുടി മുറിക്കാറായപ്പോള്‍ അച്ഛന് അതേ രോഗം പിടിപെട്ടു. ഇടുക്കി നെടുംകണ്ടം കോമ്പയാർ കുറ്റനാട് സനിൽകുമാറിന്‍റെയും രാജിയുടെയും മകൻ ശ്രീഹരിയാണ് മുടി വളർത്തിയത്. കൊറോണ കാലത്ത് ബാർബർ ഷോപ്പുകൾ അടച്ചതോടെയാണ് ശ്രീഹരി മുടി വളർത്തി തുടങ്ങിയത്. വെറുതെ മുടി നീട്ടി വളർത്തുക മാത്രമല്ല പിന്നിൽ ഒരു ലക്ഷ്യവുമുണ്ടായിരുന്നു കൊച്ച് ശ്രീഹരിക്ക്. എന്നാൽ ലക്ഷ്യത്തിലേക്ക് എത്തുന്നതിന് മുൻപേ അച്ഛന് ശ്വാസ കോശത്തിലെ കാൻസർ പിടിപെട്ടു.
