തിരുവനന്തപുരം : സംസ്ഥാനത്ത് ടിടിഇയ്ക്ക് നേരെ വീണ്ടും ആക്രമണം. തിരുവനന്തപുരത്താണ് സംഭവം. ഇന്ന് രാവിലെ തിരുവനന്തപുരത്ത് നിന്നും കണ്ണൂരിലേക്ക് പുറപ്പെട്ട ജനശതാബ്‌ദി എക്‌സപ്രസിലാണ് സംഭവം. ടിടിഇ ജെയ്‌സണ്‍ ജോസഫിനാണ് പരിക്കേറ്റത്. ട്രെയിനില്‍ യാത്ര ചെയ്‌തിരുന്ന ഭിക്ഷക്കാരനാണ് ആക്രമണം നടത്തിയത്.
ആക്രമണത്തില്‍ ജെയ്‌സന്‍റെ കണ്ണിന് പരിക്കേറ്റു. ആക്രമിച്ച ശേഷം ഇയാള്‍ ട്രെയിനില്‍ നിന്നും ഇറങ്ങി ഓടിയിരുന്നു. ട്രെയിന്‍ നീങ്ങി തുടങ്ങിയ ശേഷമായിരുന്നു സംഭവം. ടിടിഇയുടെ കണ്ണില്‍ മാന്തുകയായിരുന്നു. ആദ്യം യാത്രക്കാരനുമായി ഇയാള്‍ പ്രശ്‌നമുണ്ടാക്കിയിരുന്നു.
ടിടിഇ വിഷയത്തില്‍ ഇടപെട്ടപ്പോഴാണ് ഇയാള്‍ക്ക് ടിക്കറ്റില്ലെന്ന് തിരിച്ചറിഞ്ഞത്. ഇതോടെ ഇയാളോട് ട്രെയിനില്‍ നിന്നും ഇറങ്ങാന്‍ ജെയ്‌സണ്‍ ആവശ്യപ്പെട്ടു. പിന്നാലെ ട്രെയിന്‍ നീങ്ങി തുടങ്ങിയപ്പോഴാണ് കണ്ണില്‍ മാന്തിയ ശേഷം ഇറങ്ങിയോടിയത്. ഇയാളെ കണ്ടെത്തുന്നതിനായി റെയില്‍വേ പ്രൊട്ടക്ഷന്‍ ഫോഴ്‌സും പൊലീസും അന്വേഷണം ആരംഭിച്ചു.
Also Read: ടിടിഇ വിനോദിന്‍റെ കൊലപാതകം; തള്ളിയിട്ടത് കൊല്ലാനുദ്ദേശിച്ച് തന്നെ, പൊലീസ് എഫ്ഐആർ പുറത്ത്
