ബെംഗളൂരു: 12 വർഷത്തിനിടെ ഇന്ത്യയിൽ ടെസ്റ്റ് സെഞ്ച്വറി നേടുന്ന ആദ്യ ന്യൂസിലൻഡ് ബാറ്ററായി രച്ചിൻ രവീന്ദ്ര. ഇന്ത്യയും ന്യൂസിലൻഡും തമ്മിലുള്ള ആദ്യ ടെസ്റ്റിനിടെയാണ് രച്ചിൻ ചരിത്ര നേട്ടം കൈവരിച്ചത്. 2012 ൽ 113 റൺസ് നേടിയ റോസ് ടെയ്‌ലറായിരുന്നു ഇന്ത്യയിൽ ടെസ്റ്റ് സെഞ്ച്വറി നേടിയ അവസാന കിവീസ് ബാറ്റര്‍. ടെസ്റ്റിന്‍റെ മൂന്നാം ദിനത്തിലാണ് ബെംഗളൂരുവിന്‍റെ 'ലോക്കല്‍ ബോയ്' ആയ രച്ചിൻ നേട്ടം സ്വന്തമാക്കിയത്.
ബെംഗളൂരുവിൽ ജനിച്ച വെല്ലിംഗ്ടണിൽ നിന്നുള്ള ന്യൂസിലന്‍ഡിന്‍റെ സൂപ്പര്‍ ബാറ്റര്‍ 2023 ഏകദിന ലോകകപ്പിലെ അതേ പ്രകടനമാണ് ഇന്ത്യക്കെതിരായ ടെസ്റ്റിലും പുറത്തെടുത്തത്. ടിം സൗത്തിക്കൊപ്പം മികച്ച റൺസിന്‍റെ സുപ്രധാന കൂട്ടുകെട്ടുണ്ടാക്കിയ രവീന്ദ്ര ന്യൂസിലൻഡിന്‍റെ ലീഡ് 300ന് മുകളിലെത്തിച്ചു. ഇന്നിംഗ്‌സിന്‍റെ തുടക്കത്തിൽ രചിന്‍ വളരെ സാവധാനത്തിലാണ് തുടങ്ങിയത്. എന്നാല്‍ എല്ലാവരേയും ഞെട്ടിച്ച് താരം ഉജ്ജ്വല സെഞ്ച്വറി പൂർത്തിയാക്കി. ഇന്ത്യയിൽ സെഞ്ച്വറി നേടുന്ന 18-ാമത്തെ കിവീസ് കളിക്കാരനായി.
Basking in glory in Bengaluru ✨
— ESPNcricinfo (@ESPNcricinfo) October 18, 2024
In the city where his paternal grandparents are based, Rachin Ravindra has marked his first ODI and Test innings with hundreds 💯💯 pic.twitter.com/Z5kiLvE1qe
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
50 പന്തിൽ 3 ഫോറും 3 സിക്‌സും സഹിതം സൗത്തി 49 റൺസുമായി പുറത്താകാതെ നിന്നു. ടെസ്റ്റ് ക്രിക്കറ്റ് ചരിത്രത്തിൽ ഏറ്റവും കൂടുതൽ സിക്സറുകൾ നേടുന്ന ആറാമത്തെ കളിക്കാരനായി സൗത്തി മാറി.
RACHIN RAVINDRA HAS A WORLD CUP AND A TEST CENTURY IN BENGALURU. 🦁
— Mufaddal Vohra (@mufaddal_vohra) October 18, 2024
- The Local guy from the Kiwi land.pic.twitter.com/ev48ZXAKi0
രച്ചിൻ രവീന്ദ്രയുടെ കുടുംബം
രച്ചിന്‍റെ കുടുംബം ബെംഗളൂരു സ്വദേശികളായിരുന്നു. താരത്തിന്‍റെ പിതാവ് രവി കൃഷ്‌ണമൂർത്തി ന്യൂസിലൻഡിലേക്ക് പോകുന്നതിന് മുമ്പ് ബെംഗളൂരുലെ ഒരു ക്ലബ് ക്രിക്കറ്റ് കളിക്കാരനായിരുന്നു. കൃഷ്‌ണമൂർത്തി ഇപ്പോൾ വെല്ലിംഗ്ടണിൽ ഹട്ട് ഹോക്‌സ് ക്ലബ് നടത്തുന്നു. രവീന്ദ്ര ഒരു പ്രൊഫഷണൽ ക്രിക്കറ്ററാകുന്നതിൽ പിതാവ് വലിയ പങ്കാണ് വഹിച്ചത്. തന്‍റെ പ്രിയപ്പെട്ട രണ്ട് ബാറ്റര്‍മാരായ സച്ചിൻ ടെണ്ടുൽക്കറുടെയും രാഹുൽ ദ്രാവിഡിന്‍റേയും പേരില്‍ നിന്നാണ് രവി കൃഷ്‌ണമൂർത്തി താരത്തിന് പേര് നൽകിയത്. 'ര' രാഹുലിൽ നിന്നും 'ചിൻ' സച്ചിൽ നിന്നുമെടുത്താണ് രച്ചിൻ രവീന്ദ്ര എന്ന പേര് താരത്തിന് നല്‍കിയത്.
Test century number two for Rachin Ravindra!
— BLACKCAPS (@BLACKCAPS) October 18, 2024
It comes from 124 balls with 11 fours and 2 sixes. Pushing the team towards a big lead in Bengaluru. Follow play LIVE in NZ on @skysportnz or @SENZ_Radio LIVE scoring | https://t.co/yADjMlJjpO 📲 #INDvNZ #CricketNation 📸 BCCI pic.twitter.com/rshaKAYyDI
ഐപിഎല്ലില്‍ ചെന്നൈ സൂപ്പര്‍ കിങ്‌സ് താരമാണ് രചിന്‍. 24 കാരനായ രച്ചിന്‍ ടൂര്‍ണമെന്‍റില്‍ നന്നായി തുടങ്ങിയെങ്കിലും പിന്നീട് ഈ പ്രകടനം കാത്തുസൂക്ഷിക്കാന്‍ കഴിഞ്ഞില്ല. 10 മല്‍സരങ്ങളില്‍ നിന്നും 22.20 ശരാശരിയില്‍ 160.87 സ്‌ട്രൈക്ക് റേറ്റില്‍ ഒരു ഫിഫ്റ്റിയുള്‍പ്പെടെ 222 റണ്‍സാണ് താരം സ്‌കോര്‍ ചെയ്‌തത്.
Also Read: സഞ്ജു വീണ്ടും കളത്തില്‍, രഞ്ജിയില്‍ കേരളത്തിന് ഇന്ന് രണ്ടാം പോരാട്ടം, എതിരാളി കര്‍ണാടക
