സ്വര്‍ണം നേടിയ അർഷാദ് നദീമിനും വെള്ളി ലഭിച്ച നീരജ് ചോപ്രയ്ക്കും ലഭിക്കുന്ന സമ്മാനത്തുക എത്രയാകും? - See the prize money

ടോക്കിയോ ഒളിമ്പിക്‌സ് വരെ ഒരു വിജയിക്കും സമ്മാനത്തുക നൽകിയിരുന്നില്ല. എന്നാൽ പാരീസ് ഒളിമ്പിക്‌സ് മുതൽ വേൾഡ് അത്‌ലറ്റിക്‌സ് സമ്മാനത്തുക നൽകുമെന്ന് പ്രഖ്യാപിച്ചു.

പാരീസ്: ഒളിമ്പിക്‌സിലെ ജാവലിൻ ത്രോ ഫൈനലിൽ ഇന്ത്യയുടെ സുവർണ്ണ താരമായ നീരജ് ചോപ്രയ്‌ക്ക് വെള്ളി കൊണ്ട് തൃപ്‌തിപ്പെടേണ്ടി വന്നു. 26 കാരനായ നീരജിന് തുടർച്ചയായ രണ്ടാം ഒളിമ്പിക്‌സിൽ മെഡൽ നേടി ചരിത്രം സൃഷ്‌ടിക്കാനായി. ഈ ഇനത്തിൽ പാക്കിസ്ഥാന്‍റെ ജാവലിൻ ത്രോ താരം അർഷാദ് നദീം എല്ലാവരെയും അത്ഭുതപ്പെടുത്തി ഒളിമ്പിക് റെക്കോർഡ് തകർത്തു. നദീം 94.97 മീറ്റർ എറിഞ്ഞ് പുതിയ ഒളിമ്പിക് റെക്കോർഡ് സൃഷ്ടിച്ച് സ്വർണം നേടി. 32 വർഷത്തിന് ശേഷമാണ് നദീം പാകിസ്ഥാന് ഒളിമ്പിക് മെഡൽ സമ്മാനിച്ചത്.

What a moment for Bharat!
A Silver Medal for @Neeraj_chopra1. He has won his 2nd consecutive Olympic medal!

This incredible achievement is historic—no individual in independent Bharat has ever done it before in athletics. #Cheer4Bharat pic.twitter.com/kse90CBAEy

— Dr Mansukh Mandaviya (@mansukhmandviya) August 8, 2024

സ്വർണമെഡൽ ജേതാവ് അർഷാദ് നദീമിന് ലഭിക്കുന്ന സമ്മാന തുക ?

ടോക്കിയോ ഒളിമ്പിക്‌സ് വരെ ഒരു വിജയിക്കും സമ്മാനത്തുക നൽകിയിരുന്നില്ല. എന്നാൽ പാരീസ് ഒളിമ്പിക്‌സ് മുതൽ വേൾഡ് അത്‌ലറ്റിക്‌സ് സമ്മാനത്തുക നൽകുമെന്ന് പ്രഖ്യാപിച്ചു. സ്വർണമെഡൽ നേടിയതിന് ജാവലിൻ ത്രോ താരം പാക്കിസ്ഥാന്‍റെ നദീമിന് 50,000 ഡോളർ സമ്മാനത്തുകയായി ലഭിക്കും.

ARSHAD NADEEM 🇵🇰 SETS A NEW OLYMPIC RECORD IN THE MEN'S JAVELIN! 😱 pic.twitter.com/gnbAOKXQK5

— The Olympic Games (@Olympics) August 8, 2024

പാകിസ്ഥാൻ രൂപയിൽ ഏകദേശം 1 കോടി 40 ലക്ഷം രൂപയാണ് ലഭിക്കുക. അത്‌ലറ്റിക്‌സിൽ സ്വർണമെഡൽ നേടുന്നതിനാണ് സമ്മാനത്തുക നൽകുന്നത്. പാരീസ് ഒളിമ്പിക്‌സിലെ മറ്റൊരു ഇനത്തിലും വിജയികൾക്ക് സമ്മാനത്തുക നൽകിയിട്ടില്ല.

SILVER MEDAL 🥈
A seasons best, and a second Olympic Medal for @Neeraj_chopra1 . What an athlete 👏🏽👏🏽#JeetKiAur | #Cheer4Bharat pic.twitter.com/lUHMFaPfUK

— Team India (@WeAreTeamIndia) August 8, 2024

വെള്ളി മെഡൽ നേടിയ നീരജ് ചോപ്രയ്ക്ക് ലഭിക്കുന്നത് ?

പാരീസ് ഒളിമ്പിക്‌സിൽ വെള്ളി മെഡൽ നേടിയതിന് ഇന്ത്യയുടെ സ്റ്റാർ ജാവലിൻ ത്രോ താരം നീരജ് ചോപ്രയ്ക്ക് ലോക അത്‌ലറ്റിക്‌സിൽ നിന്ന് സമ്മാനത്തുക ലഭിക്കില്ല. കാരണം ഈ ഒളിമ്പിക്‌സിൽ ലോക അത്‌ലറ്റിക്‌സ് സ്വർണ മെഡൽ ജേതാക്കൾക്ക് മാത്രമാണ് സമ്മാനത്തുക പ്രഖ്യാപിച്ചത്. 2028 ൽ ലോസ് ഏഞ്ചൽസിൽ നടക്കുന്ന ഒളിമ്പിക്‌സിൽ നിന്ന് വെള്ളി, വെങ്കല മെഡൽ ജേതാക്കൾക്ക് കൂടി ലോക അത്ലറ്റിക്‌സ് സമ്മാനത്തുക നൽകും.