കോഴിക്കോട്: മാറ്റങ്ങൾക്കും വ്യത്യസ്‌തതകൾക്കും തീപിടിച്ച് കൊണ്ടിരിക്കുന്ന കാലമാണിത്. പണ്ട് കാലം തൊട്ടെ വ്യത്യസ്‌തതകൾ നമ്മൾ ആസ്വദിക്കാറുണ്ട്. അഭിപ്രായ വ്യത്യാസങ്ങളും രൂക്ഷമായ വിമർശനങ്ങളും ഇതിൻ്റെ ഭാഗവാക്കാണ്. ഫാഷൻ്റെ ലോകത്താണ് കണ്ണഞ്ചിപ്പിക്കുന്ന മാറ്റങ്ങൾ വന്നുപോയിക്കൊണ്ടിരിക്കുന്നത്.
പുരുഷന്മാരുടെ വസ്ത്രധാരണ രീതി തന്നെ പരിശോധിച്ചാൽ അൺഫിറ്റ് മോഡലാണ് കൗമാരക്കാരിലേയും യുവാക്കളിലേയും ട്രെൻഡ്. ശരീരത്തോട് ഒട്ടിപ്പിടിച്ചിരിക്കുന്ന വസ്ത്രധാരണ രീതി മാറിയെന്നും വിൻ്റേജ് മോഡലിൽ ലൂസ് ഷർട്ടുകളാണ് പുതിയ ട്രെൻഡെന്നും കോഴിക്കോട്ടെ വസ്ത്ര വ്യാപാരിയായ കമാൽ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
"ഹാഫ് സ്ലീവാണ് യുവതയ്ക്ക്‌ താത്പര്യം. വെറും സിംപിൾ എന്ന് തോന്നിപ്പിക്കുന്ന ഇറക്കുമതി ഷർട്ട്, ടീ ഷർട്ട്, ബനിയൻ ക്ലോത്തുകൾക്ക് നല്ല മൂവാണ്. ചൈനീസ്, കൊറിയൻ തുണിത്തരങ്ങളാണ് വിപണിയിലെ താരം. മുംബൈ മാർക്കറ്റ് വഴിയാണ് ഇത് കേരളത്തിലേക്ക് എത്തുന്നത്".
പ്രിൻ്റ്, പ്ലെയ്ൻ ഷർട്ടിനങ്ങൾക്കാണ് ഡിമാന്‍ഡ് കൂടുതൽ. ചെക്ക് മോഡലുകൾ പൊതുവേ ഔട്ടായ അവസ്ഥയാണ്. യൂത്തിനെ പോലെ തന്നെ അതിന് മുകളിലേക്കുള്ളവരും ഫാഷനിലേക്ക് നന്നായി മാറിക്കഴിഞ്ഞു.
വയസാവുന്നത് ആർക്കും ഇഷ്‌ടമല്ല എന്നതാണ് ഈ മാറ്റത്തിൻ്റെ കാതൽ. വസ്ത്രധാരണ രീതികൾക്ക് പൊതുവെ വിമർശനം കുറഞ്ഞിരിക്കുന്നതും മുതിർന്ന തലമുറയെ സ്വാധീനിച്ചിട്ടുണ്ട്".
ജീൻസ് പാൻ്റ്സ് രംഗത്ത് ബൂട്ട്കട്ടും ബാഗിയും വീണ്ടും രംഗപ്രവേശം ചെയ്‌തു. നിരവധി കമ്പനികൾ വസ്ത്ര നിർമാണ രംഗത്തുണ്ടെങ്കിലും കൗമാരക്കാരുടെ ഫേവറേറ്റ് ബ്രാന്‍ഡുകൾ തെരഞ്ഞ് പിടിച്ച് വിറ്റുപോകുകയാണെന്നും വ്യാപാരികൾ പറഞ്ഞു.
Also Read: ഐഎഫ്എഫ്‌കെ വൈബില്‍ ഫാഷന്‍ ട്രെന്‍ഡുകള്‍; മേളയിലെ മനോഹര കാഴ്‌ചകള്‍
