2025നെ വരവേല്‍ക്കാന്‍ ഒരുങ്ങുകയാണ് ലോക രാജ്യങ്ങളെല്ലാം. ഓസ്‌ട്രേലിയയിലെ സിഡ്‌നി നഗരം നേരത്തെ തന്നെ പുതുവര്‍ഷത്തെ വരവേറ്റു കഴിഞ്ഞു. ഹാര്‍ബര്‍ ബ്രിഡ്‌ജില്‍ നടന്ന കൂറ്റന്‍ വെടിക്കെട്ടോടെയാണ് സിഡ്‌നി പുതുവര്‍ഷത്തെ എതിരേറ്റത്. 9 ടണ്‍ കരിമരുന്നാണ് കാണികളുടെ കണ്ണിന് കുളിരേകി ഇവിടെ കത്തിയമര്‍ന്നത്. പത്ത് ലക്ഷത്തോളം ജനങ്ങള്‍ ഈ പുതുവര്‍ഷ വരവേല്‍പ്പിന് സാക്ഷ്യം വഹിക്കാനെത്തി.
വീആര്‍ വാരിയേഴ്‌സ് എന്ന വെടിമരുന്ന് നിര്‍മ്മാതാക്കളാണ് കരിമരുന്ന് പ്രയോഗം നടത്തിയതെന്ന് സിഡ്‌നി നഗരത്തിന്‍റെ ഔദ്യോഗിക എക്‌സ് ഹാന്‍ഡിലില്‍ കുറിച്ചിട്ടുണ്ട്. ഓസ്‌ട്രേലിയയിലെ തദ്ദേശ മുക്കുവ സ്‌ത്രീ സമൂഹമായ ബരന്‍ഗാരൂവിന്‍റെ ആത്മാക്കളോടുള്ള ആദരമാണ് ഈ വെടിക്കെട്ട്. സിഡ്‌നി തുറമുഖത്തിന്‍റെ ജലപാതകളുമായി ആഴത്തില്‍ ബന്ധമുള്ള സ്‌ത്രീ സമൂഹമാണിത്.
പുതുവര്‍ഷത്തിലേക്ക് കടക്കുന്നതിന് ഒരു മിനിറ്റ് മുമ്പാരംഭിച്ച വെടിക്കെട്ട് 20 മിനിറ്റോളം നീണ്ടു. ഓസ്‌ട്രേലിയയുടെ സമ്പന്ന വൈവിധ്യത്തിന്‍റെ വിളംബരം കൂടിയായി ഈ വെടിക്കെട്ട്. പിന്നീട് 12 മിനിറ്റ് നീണ്ട മറ്റൊരു വെടിക്കെട്ട് കൂടി അരങ്ങേറി. ഇതില്‍ 20,000 പ്രത്യേക ഇനങ്ങളാണ് കാഴ്‌ച വസന്തം വിരിയിച്ചത്. ആകാശത്തേക്ക് ഉയര്‍ന്ന് പൊട്ടുന്ന പതിനായിര കണക്കിന് കൂറ്റന്‍ വെടിക്കെട്ടുകള്‍ക്കാണ് നഗരം സാക്ഷ്യം വഹിച്ചത്. മാത്രമല്ല നിലത്ത് നിന്നുള്ളവ വേറെയുമുണ്ടായിരുന്നു.
What a show! Our 9pm Calling Country fireworks display was produced by We Are Warriors. It honoured the spirit of Barangaroo, and the deep connection of Eora women to the waterways of Sydney Harbour. #SydneyNYE #NewYearsEve #Sydney pic.twitter.com/hm2FAmk5Xm
— City of Sydney (@cityofsydney) December 31, 2024
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
സിഡ്‌നി ഹാര്‍ബര്‍ പാലത്തിലും നിന്നും സിഡ്‌നി ഓപ്പേറ ഹൗസില്‍ നിന്നും ഇത് വീക്ഷിക്കാനുള്ള സൗകര്യമുണ്ടായിരുന്നു. ആഘോഷങ്ങള്‍ക്കെത്തുന്നവര്‍ക്ക് പ്രത്യേക യാത്രാസൗകര്യങ്ങള്‍ ഓസ്‌ട്രേലിയന്‍ സര്‍ക്കാര്‍ ഒരുക്കിയിരുന്നു.
Also Read: പുതുവര്‍ഷം ജനുവരി ഒന്നിന് മാത്രമല്ല!; അറിയാം ചരിത്രം, ഒപ്പം വേറിട്ട ആഘോഷങ്ങളും ആചാരങ്ങളും
