അമേരിക്കയില്‍ ബാറില്‍ വെടിവപ്പ് ; നാല് മരണം, അഞ്ച് പേര്‍ക്ക് പരിക്ക്

അമേരിക്കയില്‍ വീണ്ടും വെടിവയ്‌പ്. നാല് പേര്‍ മരിച്ചു. അഞ്ച് പേര്‍ക്ക് ഗുരുതര പരിക്ക്.

പ്യൂര്‍ട്ടോറിക്കോ(കരിബീയ): അമേരിക്കയില്‍ ബാറിലുണ്ടായ വെടിവയ്‌പില്‍ നാല് പേര്‍ മരിച്ചു. അഞ്ച് പേര്‍ക്ക് ഗുരുതരമായി പരിക്കേറ്റിട്ടുണ്ട്( Puerto Rico bar).

കരിബീയന്‍ ദ്വീപായ പ്യൂര്‍ട്ടോറിക്കയിലാണ് സംഭവം. ഓടിക്കൊണ്ടിരുന്ന വാഹനത്തില്‍ നിന്ന് വഴിയോരത്തെ ബാറിലേക്ക് അജ്ഞാത സംഘം നിറയൊഴിക്കുകയായിരുന്നു(shooting). സംഭവത്തിന് ലഹരിക്കടത്തുമായി ബന്ധമുണ്ടെന്ന് കരുതുന്നതായി പൊലീസ് പറഞ്ഞു. ദക്ഷിണ അമേരിക്കയില്‍ കോടിക്കണക്കിന് രൂപയുടെ മയക്കുമരുന്ന് ഇടപാടുകള്‍ നടക്കുന്ന സ്ഥലമാണ് പ്യൂര്‍ട്ടോറിക്കോ. എന്നാല്‍ ഇത്തരം അക്രമസംഭവങ്ങള്‍ വളരെ കുറവായിരുന്നു( multimillion-dollar drug shipments).

കൊല്ലപ്പെട്ടത് രണ്ട് പുരുഷന്‍മാരും രണ്ട് സ്ത്രീകളുമാണ്. പരിക്കേറ്റ മൂന്ന് സ്‌ത്രീകളെയും രണ്ട് പുരുഷന്‍മാരെയും ആശുപത്രിയില്‍ പ്രവേശിപ്പിച്ചു.

തീരനഗരമായ കൊറ്റാവോയിലെ മുന്‍ മേയറിന്‍റെ സഹോദരനാണ് പരിക്കേറ്റവരില്‍ ഒരാളെന്ന് പൊലീസ് പറഞ്ഞു. മയക്കുമരുന്നിടപാടുകാരനായ മുപ്പത്തഞ്ചുകാരനും ആക്രമണത്തില്‍ കൊല്ലപ്പെട്ടിട്ടുണ്ട്. ഇയാളെയാകാം അക്രമികള്‍ ഉന്നം വച്ചത് എന്നാണ് കരുതുന്നത്. സംഭവവുമായി ബന്ധപ്പെട്ട് ആരെയും അറസ്റ്റ് ചെയ്തിട്ടില്ല.

കേവലം മുപ്പത്തിരണ്ട് ലക്ഷം പേര്‍ മാത്രമുള്ള ദ്വീപില്‍ 74 പേര്‍ ഇക്കൊല്ലം വെടിയേറ്റ് മരിച്ചു. കഴിഞ്ഞ കൊല്ലമിത് 68 ആയിരുന്നു. കഴിഞ്ഞ മാസം കിഴക്കന്‍ നഗരമായ സെയ്ബയില്‍ ഉണ്ടായ വെടിവയ്പില്‍ നാല് യുവാക്കള്‍ക്കും ഒരു പതിനാറുകാരനും മാരകമായി പരിക്കേറ്റിരുന്നു. ഇതും ലഹരിയുമായി ബന്ധപ്പെട്ട ആക്രമണമായിരുന്നു.