ന്യൂഡൽഹി: ഡിമെൻഷ്യ കണ്ടെത്താന്‍ കഴിയുന്ന പുതിയ പരിശോധന വികസിപ്പിച്ചെടുത്ത്‌ യുകെയിലെ ഗവേഷകർ. മെമ്മറി ടെസ്‌റ്റുകൾ അല്ലെങ്കിൽ മസ്‌തിഷ്‌ക ചുരുങ്ങൽ അളക്കൽ പോലുള്ള സാധാരണ ഉപയോഗിക്കുന്ന രീതികളേക്കാൾ 80 ശതമാനം കൂടുതൽ കൃത്യതയുള്ളതാണ് പുതിയ പരിശോധനയെന്ന് ലണ്ടനിലെ ക്യൂൻ മേരി സർവകലാശാലയിലെ ഗവേഷകർ പറഞ്ഞു.
എംആർഐ (എഫ്എംആർഐ) സ്‌കാനുകളുടെ വിശകലനത്തെ അടിസ്ഥാനമാക്കിയുള്ളതാണ് ഈ പരിശോധന. ഇത്‌ തലച്ചോറിന്‍റെ 'ഡിഫോൾട്ട് മോഡ് നെറ്റ്‌വർക്കിലെ' (ഡിഎംഎൻ) മാറ്റങ്ങൾ കണ്ടെത്തുന്നു. അൽഷിമേഴ്‌സ് രോഗം ബാധിച്ച ആദ്യത്തെ ന്യൂറൽ നെറ്റ്‌വർക്ക് ആണ് ഡിഎംഎൻ.
'ഡിമെൻഷ്യയുടെ ലക്ഷണങ്ങൾക്ക് കാരണമാകുന്ന മസ്‌തിഷ്‌ക കോശങ്ങളുടെ മാറ്റാനാവാത്ത നഷ്‌ടം തടയാൻ കഴിയുന്ന ചികിത്സകൾ വികസിപ്പിക്കുന്നതിന് അത്യന്താപേക്ഷിതമാണെന്ന് ക്വീൻ മേരിസ് വൂൾഫ്‌സൺ ഇൻസ്‌റ്റിറ്റ്യൂട്ട് ഓഫ് പോപ്പുലേഷൻ ഹെൽത്തിൽ നിന്നുള്ള ചാൾസ് മാർഷൽ പറഞ്ഞു.
ഡിഫോൾട്ട് മോഡ് നെറ്റ്‌വർക്ക് ഉൾക്കൊള്ളുന്ന തലച്ചോറിന്‍റെ പത്ത് മേഖലകൾ തമ്മിലുള്ള ഫലപ്രദമായ കണക്റ്റിവിറ്റി കണക്കാക്കാൻ, 1,100-ലധികം സന്നദ്ധപ്രവർത്തകരിൽ നിന്നുള്ള എംആർഐ സ്‌കാനുകൾ ഉപയോഗിച്ചു.
ഔദ്യോഗിക രോഗനിർണയം നടത്തുന്നതിന് ഒമ്പത് വർഷം മുമ്പ് വരെ ഡിമെൻഷ്യയുടെ ആരംഭം കൃത്യമായി പ്രവചിച്ചിരുന്നുവെന്നും 80 ശതമാനത്തിലധികം കൃത്യതയോടെയുമാണെന്നാണ്‌ നേച്ചർ മെന്‍റൽ ഹെൽത്ത് ജേണലിൽ പ്രസിദ്ധീകരിച്ച കണ്ടെത്തലുകൾ.
കൂടാതെ, അൽഷിമേഴ്‌സിനുള്ള ജനിതക അപകടസാധ്യത ഡിഎംഎനിലെ കണക്റ്റിവിറ്റി മാറ്റങ്ങളുമായി ശക്തമായി ബന്ധപ്പെട്ടിരിക്കുന്നുവെന്ന് ഗവേഷകർ കണ്ടെത്തി. സാമൂഹികമായ ഒറ്റപ്പെടൽ ഡിഎംഎനിലെ കണക്റ്റിവിറ്റിയെ ബാധിക്കുമെന്നും ഡിമെൻഷ്യയുടെ സാധ്യത വർദ്ധിപ്പിക്കുമെന്നും അവർ കണ്ടെത്തി.
ALSO READ: എപ്പോഴും എസിയിലിരുന്നാല്‍ പണികിട്ടും; പഠനം പറയുന്നതിങ്ങനെ
