ഷെയിൻ നിഗത്തിന്‍റെ കരിയറിലെ ബിഗ് ബജറ്റ് സിനിമയായ 'ഹാൽ' ടീസർ പുറത്തിറങ്ങി. 'ലിറ്റിൽ ഹാർട്‌സ്' ചിത്രത്തിന് ശേഷം ഷെയിൻ വീണ്ടും പ്രണയനായകനായി എത്തുന്ന ചിത്രമാണ് 'ഹാൽ'. സംഗീതത്തിന് കൂടുതൽ പ്രാധാന്യം നൽകിയാണ് ചിത്രം ഒരുങ്ങുന്നത്. ജെ വി ജെ പ്രൊഡക്ഷൻസിന്‍റെ ബാനറിൽ വീരയാണ് സംവിധാനം ചെയ്യുന്നത്.
ചിത്രത്തിന്‍റെ രചന നിർവഹിച്ചിരിക്കുന്നത് നിഷാദ് കോയയാണ്. ഓർഡിനറി, മധുര നാരങ്ങ, തോപ്പിൽ ജോപ്പൻ, ശിക്കാരി ശംഭു എന്നീ ചിത്രങ്ങൾക്ക് ശേഷം നിഷാദ് കോയ തിരക്കഥ നിർവഹിക്കുന്ന സിനിമയാണ് 'ഹാൽ'. മലയാളത്തിന് പുറമെ ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളിലായി ചിത്രം ഒരേ സമയം റിലീസ് ചെയ്യും. ഹാൽ ഒരു മികച്ച എന്‍റർടെയ്‌നർ ആയിരിക്കുമെന്നാണ് ടീസറിൽ നിന്നുള്ള സൂചന.
ചിത്രത്തിന്‍റെ സംഗീതം നിർവഹിച്ചിരിക്കുന്നത് നന്ദഗോപൻ ആണ്. ക്യാമറ രവി ചന്ദ്രനും, ആർട്ട് ഡയറക്ഷൻ പ്രശാന്ത് മാധവും, എഡിറ്റിങ് ആകാശും, കോസ്റ്റ്യൂംസ് ധന്യ ബാലകൃഷ്‌ണനും, മേക്കപ്പ് അമല്‍ ചന്ദ്രനും വിഎഫ്എക്‌സ് ഡിജിറ്റല്‍ ടര്‍ബോ മീഡിയയും ഡിസൈൻസ് യെല്ലോ ടൂത്തും സ്റ്റിൽസ് എസ് ബി കെ ഷുഹൈബും ഡിജിറ്റൽ മാർക്കറ്റിങ് ഒബ്‌സ്‌ക്യൂറ എന്‍റർടൈൻമെന്‍റ്‌സും ആണ് നിർവഹിച്ചിരിക്കുന്നത്. പ്രൊഡക്ഷൻ കൺട്രോളർ പ്രശാന്ത് നാരായൺ ആണ്.
Also Read: ഷെയിൻ നിഗത്തിന്‍റെ കോളിവുഡ് അരേങ്ങേറ്റം; 'മദ്രാസ്‌കാരൻ' അപ്‌ഡേറ്റ് പുറത്ത്
