ബോക്‌സ് ഓഫിസിൽ വമ്പൻ ഹിറ്റായി മാറിയ 'സലാർ', 'കൽക്കി 2898 AD' എന്നീ ചിത്രങ്ങൾക്ക് ശേഷം തെലുഗു സൂപ്പർതാരം പ്രഭാസ് കേന്ദ്ര കഥാപാത്രമായി എത്തുന്ന ഏറ്റവും പുതിയ സിനിമയുടെ ചിത്രീകരണം ആരംഭിച്ചു. ചിത്രത്തിന് താത്കാലിക നാമകരണം ചെയ്‌തത് 'പ്രഭാസ്ഹനു' എന്നാണ്. 'സീതാരാമം' എന്ന ബ്ലോക്ക്ബസ്‌റ്റർ ചിത്രത്തിന് ശേഷം ഹനു രാഘവപുടി എഴുതി സംവിധാനം ചെയ്യുന്ന ഈ ബ്രഹ്മാണ്ഡ ചിത്രം നിർമ്മിക്കുന്നത് തെലുഗുവിലെ പ്രശസ്‌ത ബാനറായ മൈത്രി മൂവി മേക്കേഴ്‌സാണ്.
പ്രഭാസും ഹനു രാഘവപുഡിയും മൈത്രി മൂവി മേക്കേഴ്‌സും ആദ്യമായി ഒന്നിക്കുന്ന ചിത്രമെന്ന പ്രത്യേകതയും പ്രഭാസ്ഹനുവിനുണ്ട്. 1940-കളുടെ പശ്ചാത്തലത്തിൽ ഒരു വീര യോദ്ധാവിന്‍റെ കഥ പറയുന്ന ബിഗ് ബജറ്റ് ചരിത്ര സിനിമയാണ് പ്രഭാസ്ഹനു. പ്രഭാസിന്‍റെ നായികയായി ഇമാൻവിയാണ് എത്തുന്നത്. ബോളിവുഡ് താരം മിഥുൻ ചക്രവർത്തിയും ജയപ്രദയും സുപ്രധാന വേഷങ്ങളിൽ എത്തുന്നുണ്ട്.
മികച്ച സാങ്കേതിക നിലവാരത്തിൽ ഒരുങ്ങുന്ന ഈ ചിത്രത്തിന്‍റെ ലോഞ്ചിങ് ചടങ്ങിൽ പ്രഭാസും നായിക ഇമാൻവിയും ഉൾപ്പെടെ ചിത്രത്തിന്‍റെ അണിയറ പ്രവർത്തകർ എല്ലാവരും പങ്കെടുത്തിരുന്നു. നവീൻ യെർനേനിയും വൈ രവിശങ്കറും ചേർന്ന് നിർമ്മിക്കുന്ന ഈ ചിത്രത്തിന്‍റെ ഛായാഗ്രഹണം- സുദീപ് ചാറ്റർജി ഐ എസ് സി, സംഗീതം- വിശാൽ ചന്ദ്രശേഖർ, എഡിറ്റിംഗ്- കോട്ടഗിരി വെങ്കിടേശ്വര റാവു, പ്രൊഡക്ഷൻ ഡിസൈൻ- രാമകൃഷ്‌ണ-മോണിക്ക, വസ്ത്രാലങ്കാരം- ശീതൾ ഇഖ്ബാൽ ശർമ, ടി വിജയ് ഭാസ്‌കർ, വിഎഫ്എക്‌സ്- ആർ സി കമല കണ്ണൻ, പബ്ലിസിറ്റി ഡിസൈനർമാർ- അനിൽ-ഭാനു, മാർക്കറ്റിംഗ്- ഫസ്റ്റ് ഷോ, എന്നിവരാണ് നിർവഹിച്ചിരിക്കുന്നത്. പിആർഒ- ശബരി.
Also Read: 'പഠാനെ' വെട്ടി 'കല്‍ക്കി'; ബോക്‌സോഫിസില്‍ പുത്തന്‍ റെക്കോഡ്
