കോഴിക്കോട് : ജൂനിയർ ആർട്ടിസ്റ്റിൻ്റെ ലൈംഗികാതിക്രമ പരാതിയില്‍ നടന്മാരായ സുധീഷ്, ഇടവേള ബാബു എന്നിവർക്കെതിരെ കേസ് രജിസ്റ്റർ ചെയ്‌ത് പൊലീസ്. നടക്കാവ് പൊലീസാണ് കേസ് രജിസ്റ്റർ ചെയ്‌തത്. 354 (എ) വകുപ്പ് പ്രകാരം ലൈംഗിക അധിക്ഷേപത്തിനാണ് കേസ്.
പ്രത്യേക അന്വേഷണ സംഘം ഇന്നലെ (30-08-2024) ജൂനിയർ ആർട്ടിസ്റ്റിൻ്റെ മൊഴി രേഖപ്പെടുത്തിരുന്നു. അമ്മ സംഘടനയിൽ അംഗത്വം നൽകണമെങ്കിൽ വിട്ടുവീഴ്‌ചയ്ക്ക് തയ്യാറാകണമെന്ന് ആവശ്യപ്പെട്ടു എന്നാണ് ഇടവേള ബാബുവിനെതിരായ പരാതി. മോശം രീതിയില്‍ സംസാരിച്ചെന്നാണ് നടന്‍ സുധീഷിനെതിരായ ആരോപണം.
Also Read : 'പവർ ഗ്രൂപ്പിൽപ്പെട്ട ആളല്ല, എനിക്കിതിനെ കുറിച്ചറിയില്ല'; വിവാദങ്ങളിൽ പ്രതികരിച്ച് മോഹൻലാൽ
