ആസിഫ് അലി കേന്ദ്ര കഥാപാത്രമായെത്തുന്ന ആഭ്യന്തര കുറ്റവാളിയുടെ ചിത്രീകരണം ആരംഭിച്ചു. ഇന്ന് തൃപ്രയാറിലാണ് ചിlത്രത്തിന്‍റെ ചിത്രീകരണം തുടങ്ങിയത്. നവാഗതനായ സേതുനാഥ് പത്മകുമാറാണ് ചിത്രം എഴുതി, സംവിധാനം ചെയ്യുന്നത്.റിയലിസ്റ്റിക് കോമഡി ഫാമിലി എന്‍റര്‍ടെയിനര്‍ ജോണറിലാണ് ആഭ്യന്തര കുറ്റവാളി ഒരുങ്ങുന്നത്.
ചിത്രത്തിലെ നായിക പുതുമുഖ താരം തുളസിയാണ്. നൈസാം സലാം പ്രൊഡക്ഷന്‍സിന്‍റെ ബാനറില്‍ നൈസാം സലാം ആണ് ചിത്രം നിർമ്മിക്കുന്നത്.
ജഗദീഷ്, ഹരിശ്രീ അശോകൻ, പ്രേം കുമാർ, സിദ്ധാർഥ് ഭരതൻ, അസീസ് നെടുമങ്ങാട്, വിജയകുമാർ, ബാലചന്ദ്രൻ ചുള്ളിക്കാട്, ആനന്ദ് മന്മഥൻ, പ്രേം നാഥ്, ശ്രേയാ രുക്‌മിണി, നീരജാ രാജേന്ദ്രൻ, റിനി ഉദയകുമാർ, ശ്രീജാ ദാസ് എന്നിവരാണ് ആഭ്യന്തര കുറ്റവാളിയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. വയനാട് ദുരന്തത്തിന്‍റെ പശ്ചാത്തലത്തിൽ വളരെ ലളിതമായ ചടങ്ങുകൾ മാത്രമാക്കി ഷൂട്ടിങ്‌ ആരംഭിക്കുകയായിരുന്നു.
ആഭ്യന്തര കുറ്റവാളിയുടെ അണിയറ പ്രവർത്തകർ ഇവരാണ്. സിനിമാട്ടോഗ്രാഫർ: അജയ് ഡേവിഡ് കാച്ചപ്പള്ളി, എഡിറ്റർ: സോബിൻ സോമൻ, മ്യൂസിക് ആൻഡ് ബാക്ക്ഗ്രൗണ്ട് സ്കോർ: ബിജിബാൽ, ആർട്ട് ഡയറക്‌ടർ: സാബു റാം, പ്രൊഡക്ഷൻ കൺട്രോളർ : ജിത്ത് പിരപ്പൻകോട്, ലൈൻ പ്രൊഡ്യൂസർ: തെസ് ബിജോയ്, പ്രൊജക്റ്റ് ഡിസൈനർ : നവീൻ ടി ചന്ദ്രബോസ്, മേക്കപ്പ് : സുധി സുരേന്ദ്രൻ,
വസ്ത്രാലങ്കാരം : മഞ്ജുഷാ രാധാകൃഷ്‌ണൻ, ലിറിക്‌സ് : മനു മൻജിത്, ചീഫ് അസോസിയേറ്റ് ഡയറക്‌ടർ : പ്രേംനാഥ്, സൗണ്ട് ഡിസൈൻ : ധനുഷ് നയനാർ, ഫിനാൻസ് കൺട്രോളർ: സന്തോഷ് ബാലരാമപുരം, അസോസിയേറ്റ് ഡയറക്‌ടർ : സാൻവിൻ സന്തോഷ്, അരുൺ ദേവ്, സിഫാസ് അഷ്‌റഫ്, സ്റ്റിൽസ്: സലീഷ് പെരിങ്ങോട്ടുകര, പബ്ലിസിറ്റി ഡിസൈൻ : മാമി ജോ, പി ആർ ഓ : പ്രതീഷ് ശേഖർ.
