മുംബൈ (മഹാരാഷ്ട്ര): ഫിലിം ഫെയർ അവാർഡിൽ തമിഴ് ചിത്രമായ 'ചിത്ത'യുടേയും പ്രതിശ്രുത വരന്‍ സിദ്ധാര്‍ഥിന്‍റേയും നേട്ടത്തില്‍ സന്തോഷം പങ്കുവെച്ച് അദിതി റാവു ഹൈദരി. ഫിലിം ഫെയർ അവാർഡ് സൗത്ത് 2024 -ൽ സിദ്ധാർത്ഥിന് മികച്ച നടൻ ഉൾപ്പെടെ ഏഴ് അവാർഡുകളാണ് ചിത്തയ്‌ക്ക് ലഭിച്ചത്. ഇതിന്‍റെ സന്തോഷം അദിതി തന്‍റെ ഇൻസ്‌റ്റഗ്രാം അക്കൗണ്ടിലൂടെയാണ് ആരാധകരുമായി പങ്കുവച്ചത്.
" 'ചിത്ത' ടീമിന് അഭിനന്ദനങ്ങൾ!, കലാസൃഷ്‌ടിക്ക് പ്രതിഫലം ലഭിക്കുമ്പോഴും നല്ല ആളുകൾ, നല്ല സിനിമകൾ വിജയിക്കുമ്പോൾ, നമ്മള്‍ എല്ലാവരും വിജയിക്കുകയാണ്. സിദ്ധാർത്ഥ് നിങ്ങളുടെ ഹൃദയത്തിൽ നിന്നും കഥകൾ പറയാനുള്ള കഴിവും ദൃഢനിശ്ചയത്തിനും എല്ലാവിധ ആശംസകളും. എപ്പോഴും സന്തോഷവാനായിരിക്കുക" .
" സ്വപ്‌നം കണ്ടുകൊണ്ടേയിരിക്കുക, വെളളിത്തിരയിൽ വീണ്ടും അത്ഭുതങ്ങൾ സൃഷ്‌ടിച്ചുകൊണ്ടേയിരിക്കുക. നിങ്ങളിലെ കൊച്ചു സിനിമാക്കാരൻ എപ്പോഴും ആകാംക്ഷയോടെയും സത്യസന്ധതയോടെയും കൂടിയും ഉണ്ടായിരിക്കട്ടെ"- പുരസ്‌കാത്തിനൊപ്പമുള്ള സിദ്ധാര്‍ത്ഥിന്‍റെ ചിത്രം പങ്കുവച്ചുകൊണ്ട് അദിതി കുറിച്ചു. അതേസമയം 'ഗാന്ധി ടോക്‌സ്', 'ലയണസ്' എന്നിവയാണ് അദിതിയുടേതായി ഇനി വരാൻ പോകുന്ന ചിത്രങ്ങൾ.
