സമൂഹമാധ്യമങ്ങളിലൂടെ വിമര്‍ശന പ്രതികരണം പങ്കുവച്ച ആള്‍ക്ക് മറുപടിയുമായി നടന്‍ ബാല. താരം കഴിഞ്ഞ ദിവസം ഒരു പോസ്‌റ്റ് സമൂഹമാധ്യമങ്ങളിലൂടെ പങ്കുവച്ചിരുന്നു. എന്നാല്‍ ഈ പോസ്‌റ്റ് പങ്കുവച്ച് നിമിഷങ്ങള്‍ക്കുള്ളില്‍ തന്നെ ഇതിനെതിരെ വലിയ ട്രോളുകളും വിമര്‍ശനങ്ങളും ഉയര്‍ന്നിരുന്നു. 'എന്തു സംഭവിച്ചാലും താന്‍ ഉയര്‍ത്തെഴുന്നേല്‍ക്കും' എന്ന ക്യാപ്‌ഷനോടെയുള്ള വീഡിയോ ആണ് ബാല പങ്കുവച്ചത്. ഒട്ടേറെ പേരാണ് വിമര്‍ശനവുമായി എത്തിയത്.
"മുമ്പ് നിങ്ങളുടെ വീഡിയോകള്‍ക്കും പോസ്‌റ്റുകള്‍ക്കും ഒരുപാട് റീച്ച് ഉണ്ടായിരുന്നു. പ്രകോപനപരവും അനാവശ്യവുമായ ലോജിക്കുകള്‍ ഇല്ലാത്ത പോസ്‌റ്റുകളാണ് ഇപ്പോള്‍ പങ്കുവയ്‌ക്കുന്നത്. ഒരു നടന്‍ എന്ന നിലയില്‍ നിങ്ങളില്‍ ഒരുപാട് സാധ്യതകളുണ്ട്". ഈ കമന്‍റിനാണ് ബാല മറുപടി നല്‍കിയത്. "പൂര്‍ണമായും നിങ്ങളുടെ ജീവിതത്തില്‍ മാത്രം ശ്രദ്ധ കേന്ദ്രീകരിക്കുക" എന്നായിരുന്നു ബാലയുടെ മറുപടി.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
കഴിഞ്ഞ കുറച്ചു നാളുകളായി നടന്‍ ബാലയുടെയും ഗായിക അമൃത സുരേഷിനെയും ചുറ്റിപ്പറ്റിയുള്ള വാര്‍ത്തകളാണ് മാധ്യമങ്ങളിലൊക്കെ നിറഞ്ഞു നിന്നിരുന്നത്.
അമൃതയും മകളും ബാലയ്‌ക്കെതിരെ നടത്തിയ ഗുരുതര ആരോപണങ്ങളുമൊക്കെ സമൂഹമാധ്യമങ്ങളിലെ ചൂടുള്ള ചര്‍ച്ചയായിരുന്നു. ഇതേ തുടര്‍ന്ന് ബാലയ്‌ക്കെതിരെ കടുത്ത വിമര്‍ശനങ്ങള്‍ ഉയര്‍ന്നിരുന്നു.
അതേസമയം എല്ലാം വിവാദങ്ങളും അവസാനിപ്പിച്ചെന്ന് ബാല പറഞ്ഞു. അമൃത സുരേഷും തന്‍റെ മകളുമായി ബന്ധപ്പെട്ട എല്ലാം വീഡിയോകളെല്ലാം താരം സമൂഹ മാധ്യമങ്ങളില്‍ നിന്നും നീക്കം ചെയ്‌തിരുന്നു.
Also Read:'ആ ക്ലാസിക് ക്രിമിനല്‍ ഉടന്‍ തിരിച്ചു വരില്ല'; വ്യാജ വാര്‍ത്തയാണ് വരുന്നതെന്ന് ജീത്തു ജോസഫ്
