അഭിഷേക് നാമയുടെ സംവിധാനത്തിൽ പുതിയ സിനിമ വരുന്നു. അഭിഷേക് പിക്‌ചേഴ്‌സിന്‍റെ ബാനറിൽ തണ്ടർ സ്റ്റുഡിയോസുമായി സഹകരിച്ച്, അഭിഷേക് നാമ അണിയിച്ചൊരുക്കുന്ന സിനിമയുടെ ടൈറ്റിൽ ഗ്ലിംപ്‌സ് പുറത്തുവന്നു. 'നാഗബന്ധം : ദി സീക്രട്ട് ട്രെഷർ' എന്നാണ് ഈ പാൻ ഇന്ത്യൻ ചിത്രത്തിന് പേരിട്ടിരിക്കുന്നത്. 'നാഗബന്ധ'യുടെ ത്രസിപ്പിക്കുന്ന ടീസറാണ് അണിയറ പ്രവർത്തകർ പുറത്തുവിട്ടത്.
കെജിഎഫ് ഫെയിം അവിനാഷ് ഈ ചിത്രത്തിൽ പ്രധാന കഥാപാത്രമായി എത്തുന്നു. അഘോരിയുടെ വേഷമാണ് താരം അവതരിപ്പിക്കുന്നത്. അതേസമയം കേന്ദ്ര കഥാപാത്രങ്ങൾ ഉൾപ്പടെയുള്ള താരനിര ഇതുവരെ വെളിപ്പെടുത്തിയിട്ടില്ല.
- " class="align-text-top noRightClick twitterSection" data="">
ഉഗദി ആഘോഷങ്ങളുമായി ബന്ധപ്പെട്ടാണ് ഇപ്പോൾ ടീസർ പുറത്തുവിട്ടത്. ഗംഭീര സൗണ്ട്ട്രാക്ക് കൊണ്ടും മികച്ച വിഷ്വൽസ് കൊണ്ടും വിഎഫ്എക്‌സ് വർക്ക് കൊണ്ടും പ്രേക്ഷകരുടെ മനസ് കീഴടക്കുകയാണ് ഗ്ലിംപ്‌സ് വീഡിയോ. മാജിക്കും മിസ്റ്ററിയും സാഹസികതയും ഇഴചേർത്താണ് 'നാഗബന്ധം : ദി സീക്രട്ട് ട്രെഷർ' ഒരുക്കുന്നത് എന്നാണ് വിവരം.
അതേസമയം സംവിധായകൻ എന്നതിന് പുറമെ നിർമാതാവും ഡിസ്‌ട്രിബ്യൂട്ടറുമാണ് അഭിഷേക് നാമ. ഗൂഢാചാരി, ഡെവിൾ : ദി സീക്രട്ട് ഏജന്‍റ് തുടങ്ങിയ സിനിമകളിലൂടെ പ്രേക്ഷകരെ ഞെട്ടിച്ച അഭിഷേക് പുതിയ സിനിമയുമായിഎത്തുമ്പോൾ പ്രതീക്ഷകളും ഏറെയാണ്. മധുസുധൻ റാവു ആണ് ഈ ചിത്രത്തിന്‍റെ നിർമാണം.
അഭിഷേക് നാമ തന്നെയാണ് 'നാഗബന്ധം' ചിത്രത്തിനായി കഥയും തിരക്കഥയും രചിച്ചത്. ദേവാൻഷ് നാമയാണ് ഈ ചിത്രം പ്രേക്ഷകർക്ക് മുന്നിൽ അവതരിപ്പിക്കുന്നത്. ദേവ് ബാബു ഗാന്ധി 'നാഗബന്ധം' സിനിമയുടെ സഹ നിർമാതാവാണ്.
ശ്രീകാന്ത് വിസയാണ് ഈ സിനിമയ്‌ക്കായി സംഭാഷണം ഒരുക്കിയത്. സൗന്ദർ രാജൻ എസ് ആണ് ഈ ചിത്രത്തിന്‍റെ ഛായാഗ്രാഹകൻ. എഡിറ്റിങ് സന്തോഷ് കാമി റെഡ്ഢിയും നിർവഹിക്കുന്നു. അഭിയാണ് സംഗീതസംവിധാനം നിർവഹിക്കുന്നത്. പ്രൊഡക്ഷൻ ഡിസൈനർ - ഗാന്ധി നടികുടികർ.
തെലുഗു, ഹിന്ദി, കന്നഡ, തമിഴ്, മലയാളം ഭാഷകളിൽ ഒരുമിച്ചാകും 'നാഗബന്ധം' റിലീസിനെത്തുക. 2025-ൽ ചിത്രം റിലീസ് ചെയ്യുമെന്നാണ് നിർമാതാക്കൾ നിലവിൽ അറിയിച്ചിരിക്കുന്നത്. പി ആർ ഒ - ശബരി.
ALSO READ: ബഡേ മിയാൻ ചോട്ടെ മിയാന്‍റെ വരവ് വൈകും; റിലീസ് തീയതിയിൽ മാറ്റം
