തിരുവനന്തപുരം : ഇന്ത്യൻ ആർമിയിൽ പ്ലസ് ടു ടെക്‌നിക്കൽ എൻട്രി സ്‌കീം 52 ന് വിജ്ഞാപനം പ്രസിദ്ധീകരിച്ചു. ആർമിയിൽ 90 ഒഴിവുകളാണുള്ളത്. ആൺകുട്ടികൾക്കാണ് അവസരം ഉള്ളത്. വിശദവിവരങ്ങളറിയാം...
2025 ജനുവരിയിലാണ് കോഴ്‌സുകൾ ആരംഭിക്കുക. 2024 ലെ ജെ ഇ ഇ (മെയിൻസ്) പരീക്ഷ എഴുതിയവർക്ക് അപേക്ഷിക്കാവുന്നതാണ്.
പ്രായപരിധി: 2005 ജൂലായ്‌ രണ്ടിനും 2008 ജൂലായ്‌ ഒന്നിനും ഇടയിൽ ജനിച്ചവർക്ക് അപേക്ഷിക്കാം.
യോഗ്യത : അപേക്ഷിക്കുന്നവർ പ്ലസ് ടു/ തത്തുല്യ പരീക്ഷ പാസായിരിക്കണം. ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങളിൽ ആകെ 60 ശതമാനം മാർക്ക് വേണം.
കോഴ്‌സ് ഇങ്ങനെ : നാല് വർഷമാണ് കോഴ്‌സ്. കോഴ്‌സ് വിജയകരമായി പൂർത്തിയാക്കുന്നവർക്ക് എഞ്ചിനീയറിങ് ബിരുദവും പെർമനൻറ് കമ്മിഷൻ വ്യവസ്ഥയിൽ ലെഫ്റ്റനന്‍റ്‌ റാങ്കിൽ നിയമനവും ലഭിക്കും. http://joinindianarmy.nic.in എന്ന വെബ്സൈറ്റിൽ വിശദവിവരങ്ങൾ ലഭ്യമാകും. അപേക്ഷ ഓൺലൈൻ വഴി സമർപ്പിക്കാം. അപേക്ഷ സമർപ്പിക്കേണ്ട അവസാന തീയതി ജൂൺ 13 ആണ്.
