തിരുവനന്തപുരം: യുകെയില്‍ സൈക്യാട്രി നേഴ്‌സ് ഒഴിവുകളിലേക്ക് സംസ്ഥാന സർക്കാരിന്‍റെ നോര്‍ക്ക റൂട്ട്സ് അപേക്ഷ ക്ഷണിച്ചു. യുകെയിൽ മെന്‍റല്‍ ഹെല്‍ത്ത് സ്പെഷ്യാലിറ്റിയില്‍ നഴ്‌സ് (സൈക്യാട്രി) തസ്‌തികയിലേയ്ക്കുളള ഒഴിവുകളിലേയ്ക്കാണ് നോര്‍ക്ക റൂട്ട്സ് റിക്രൂട്ട്മെന്‍റ് സംഘടിപ്പിക്കുന്നത്.
ബിഎസ്‌സി നഴ്‌സിങ്/ ജിഎൻഎം വിദ്യാഭ്യാസ യോഗ്യതയും IELTS/ OET യുകെ സ്കോർ, മെന്‍റല്‍ ഹെല്‍ത്തില്‍ CBT യോഗ്യതയുള്ളവർക്ക് അപേക്ഷിക്കാനാകുമെന്ന് നോർക്ക റൂട്ട്സ് പിആർഒ മണിലാൽ അറിയിച്ചു. സൈക്യാട്രി സ്പെഷ്യാലിറ്റിയില്‍ കുറഞ്ഞത് 18 മാസത്തെ പ്രവൃത്തി പരിചയമാണ് യോഗ്യത.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
uknhs.norka@kerala.gov.in എന്ന ഇമെയിൽ വിലാസത്തിൽ ബയോഡാറ്റ, OET /IELTS സ്കോർ കാര്‍ഡ് , യോഗ്യത തെളിയിക്കുന്ന സർട്ടിഫിക്കറ്റുകള്‍, പാസ്‌പോർട്ട് എന്നിവയുടെ പകർപ്പുകള്‍ സഹിതം 2024 ഡിസംബര്‍ 20 നകം അപേക്ഷ നല്‍കണം. കൂടുതല്‍ വിവരങ്ങള്‍ക്ക് 0471-2770536, 0471-2770539, 0471-2770540, 0471-2770577 എന്നീ നമ്പറുകളിൽ ബന്ധപ്പെടാം.
24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്‌ട് സെന്‍ററിന്‍റെ ടോള്‍ ഫ്രീ നമ്പറുകളിലും ബന്ധപ്പെടാം. ഇന്ത്യയില്‍ നിന്നും
1800 425 3939 എന്ന നമ്പറിലും വിദേശത്തുനിന്നും +91-8802 012 345 (മിസ്‌ഡ് കോള്‍ സര്‍വീസ് ലഭ്യമാണ്) എന്ന നമ്പറിലും ആണ് ബന്ധപ്പെടേണ്ടത്. കൂടുതൽ വിവരങ്ങൾക്ക് www.norkaroots.org, www.nifl.norkaroots.org എന്നീ വെബ്‌സൈറ്റുകൾ സന്ദർശിക്കാം.
Also Read:കേന്ദ്ര സേനകളിൽ ഒഴിഞ്ഞുകിടക്കുന്നത് ഒരു ലക്ഷത്തോളം തസ്‌തികകൾ; കണക്കുകൾ പാർലമെന്‍റിൽ
