ന്യൂഡൽഹി: കേന്ദ്ര ബജറ്റിൽ പ്രതിരോധ മേഖലയ്ക്ക് കൂടുതൽ തുക അനുവദിച്ചതിന് ധനമന്ത്രി നിർമല സീതാരാമന് നന്ദി അറിയിച്ച് പ്രതിരോധ മന്ത്രി രാജ്‌നാഥ് സിങ്. 6,21,940.85 കോടി രൂപയാണ് രാജ്യത്തിന്‍റെ പ്രതിരോധ മേഖലയ്‌ക്കായി ബജറ്റിൽ വകയിരുത്തിയത്. പ്രതിരോധ മന്ത്രാലയത്തിന് ലഭിച്ച ഏറ്റവും ഉയർന്ന വിഹിതമായ 6,21,940.85 കോടി രൂപ അനുവദിച്ചതിന് താൻ ധനമന്ത്രിയോട് നന്ദി പറയുന്നതായും 1,72,000 കോടി രൂപ സായുധ സേനയുടെ കഴിവുകളെ കൂടുതൽ ശക്തിപ്പെടുത്തുന്നതിനായി വിനിയോഗിക്കുമെന്നും പ്രതിരോധ മന്ത്രി എക്‌സിൽ കുറിച്ചു.
As far as the allocation to Ministry of Defence is concerned, I thank the Finance Minister for giving the highest allocation to the tune of Rs 6,21,940.85 Crore, which is 12.9 % of total Budget of GoI for FY 2024-25.
— Rajnath Singh (@rajnathsingh) July 23, 2024
The capital outlay of Rs 1,72,000 Crore will further…
2024-25 സാമ്പത്തിക വർഷത്തേക്കുള്ള മികച്ച സമ്പൂർണ്ണ ബജറ്റ് അവതരിപ്പിച്ചതിന് ധനമന്ത്രിയെ അഭിനന്ദിക്കുന്നതായി അദ്ദേഹം മറ്റൊരു പോസ്റ്റിൽ പറഞ്ഞു. ഈ ബജറ്റ് വികസിത് ഭാരതം സൃഷ്‌ടിക്കുന്നതിന് സഹായിക്കുമെന്നും അദ്ദേഹം അഭിപ്രായപ്പെട്ടു. ഈ ബജറ്റ് ഇന്ത്യയുടെ സാമ്പത്തിക പരിവർത്തനത്തെ ത്വരിതപ്പെടുത്തുമെന്നും രാജ്‌നാഥ് സിങ് അഭിപ്രായപ്പെട്ടു.
ഇന്ത്യയിലെ കർഷകർ, യുവാക്കൾ, സ്ത്രീകൾ, സമൂഹത്തിലെ മറ്റ് ദുർബല വിഭാഗങ്ങൾ എന്നിവരെ പിന്തുണയ്ക്കുന്നതിനുള്ള നിരവധി പദ്ധതികൾ ബജറ്റിൽ പ്രഖ്യാപിച്ചിട്ടുണ്ട്. അടിസ്ഥാന സൗകര്യങ്ങൾ, കൃഷി, ബാങ്കിങ്, ഊർജം, വ്യവസായം, എംഎസ്എംഇകൾ, പ്രതിരോധം തുടങ്ങിയ മേഖലകൾക്ക് ശ്രദ്ധ ചെലുത്തിയാണ് പുതിയ ബജറ്റ് പ്രഖ്യാപനങ്ങൾ. യുവാക്കൾക്ക് പുതിയ അവസരങ്ങൾ സൃഷ്‌ടിക്കുകയും ഇന്ത്യൻ സമ്പദ്‌വ്യവസ്ഥയെ ആഗോളതലത്തിലേക്ക് നയിക്കുകയും ചെയ്യുന്നതാണ് ഈ ബജറ്റെന്നും അദ്ദേഹം കൂട്ടിച്ചേർത്തു.
Also Read: ബജറ്റില്‍ തകര്‍ന്നടിഞ്ഞ് ഓഹരി വിപണി: സെന്‍സെക്‌സും നിഫ്‌റ്റിയും കൂപ്പുകുത്തി
