ന്യൂഡൽഹി : രാജ്യതലസ്ഥാനത്തെ രണ്ട് സ്‌കൂളുകൾക്ക് നേരെ ബോംബ് ഭീഷണി. ഡൽഹി പബ്ലിക് സ്‌കൂളിനും ജിഡി ഗോയങ്ക പബ്ലിക് സ്‌കൂളിനും നേരെയാണ് ബോംബ് ഭീഷണി ഉണ്ടായത്. ഇ-മെയില്‍ വഴിയാണ് ബോംബ് ഭീഷണി ലഭിച്ചത്.
ഭീഷണിയെ തുടര്‍ന്ന് കുട്ടികളെ വീട്ടിലേക്ക് തിരിച്ചയക്കുകയും ഫയർഫോഴ്‌സിനെയും പൊലീസിനെയും വിവരം അറിയിക്കുകയും ചെയ്‌തു. കൂടുതല്‍ വിവരങ്ങള്‍ ഉടന്‍ പുറത്തുവരും. ബോംബ് ഭീഷണികളും അനുബന്ധ അടിയന്തര സാഹചര്യങ്ങളും നേരിടാൻ വിശദമായ സ്റ്റാൻഡേർഡ് ഓപ്പറേറ്റിങ് നടപടിക്രമം (എസ്ഒപി) ഉൾപ്പെടെ സമഗ്രമായ ഒരു കർമപദ്ധതി വികസിപ്പിക്കാൻ നവംബർ 19ന് ഡൽഹി സർക്കാരിനും ഡൽഹി പൊലീസിനും ഡൽഹി ഹൈക്കോടതി നിർദേശം നൽകിയിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ഈ നിർദേശങ്ങൾ പൂർത്തിയാക്കാൻ കോടതി എട്ടാഴ്‌ച സമയപരിധിയാണ് നിശ്ചയിച്ചിരിക്കുന്നത്. അഭിഭാഷകൻ അർപിത് ഭാർഗവ സമർപ്പിച്ച ഹര്‍ജി പരിഗണിച്ച ജസ്റ്റിസ് സഞ്ജീവ് നരുലയുടെതാണ് നിര്‍ദേശം. സ്‌കൂൾ പ്രതിനിധികൾ, നിയമ നിർവഹണ ഏജൻസികൾ, മുനിസിപ്പൽ അധികാരികൾ, മറ്റ് സംസ്ഥാന വകുപ്പുകൾ എന്നിവയുൾപ്പെടെ പ്രസക്തമായ പങ്കാളികളുമായി കൂടിയാലോചിച്ച് കര്‍മപദ്ധതി വികസിപ്പിക്കണമെന്നും ഹര്‍ജിയില്‍ പറയുന്നു.
Also Read: 'പ്രധാനമന്ത്രി നരേന്ദ്ര മോദിക്ക് വധഭീഷണി'; പൊലീസ് അന്വേഷണം ആരംഭിച്ചു
