മുംബൈ: ബാങ്ക് അക്കൗണ്ടുകള്‍ സജീവമായി നിലനിര്‍ത്തുന്നതിനുള്ള ചട്ടങ്ങളില്‍ കാലോചിത മാറ്റങ്ങള്‍ വേണമെന്ന് സ്റ്റേറ്റ് ബാങ്ക് ഓഫ് ഇന്ത്യ റിസര്‍വ് ബാങ്കിനോട് ആവശ്യപ്പെട്ടു. ധനേതര ഇടപാടുകളും ബാങ്ക് അക്കൗണ്ടുകള്‍ സജീവമായി നിലനിര്‍ത്തുന്നതിന് പരിഗണിക്കണമെന്ന് എസ്ബിഐ ആവശ്യപ്പെട്ടു. ധനേതര ഇടപാടുകളായ ബാങ്ക് ബാലന്‍സ് പരിശോധിക്കുന്നത് അടക്കമുള്ളവ ഇതിനായി പരിഗണിക്കണമെന്നും എസ്ബിഐ നിര്‍ദേശിച്ചു.
പലപ്പോഴും ഒരു അക്കൗണ്ട് ഉടമ പരിമിതമായ സാമ്പത്തിക ഇടപാടുകളാണ് നടത്തുന്നതെന്നും രാജ്യത്തെ ഏറ്റവും വലിയ വായ്‌പ ദാതാവിന്‍റെ ചെയർമാൻ സി എസ് ഷെട്ടി ചൂണ്ടിക്കാട്ടി.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
പണം നേരിട്ട് അക്കൗണ്ടിലേക്ക് എത്തിയ ശേഷം ആ അക്കൗണ്ട് നിര്‍ജീവമാകും മുമ്പ് ഒന്ന് രണ്ട് തവണ ഡെബിറ്റ് കാര്‍ഡ് ഇടപാടുകള്‍ നടക്കാറുണ്ടെന്ന് ചൊവ്വാഴ്ച വൈകുന്നേരം ഒരു ബാങ്ക് പരിപാടിക്കിടെ അദ്ദേഹം പറഞ്ഞു.
നിലവിലെ നിയമങ്ങൾ ഒരു നിശ്ചിത സമയത്തെ സാമ്പത്തിക ഇടപാടുകളിൽ ശ്രദ്ധ കേന്ദ്രീകരിക്കുന്നു, ഇത് ധാരാളം അക്കൗണ്ടുകൾ "പ്രവർത്തനരഹിതം" എന്ന് ടാഗ് ചെയ്യപ്പെടുന്നതിന് കാരണമാകുമെന്നും അദ്ദേഹം കൂട്ടിച്ചേർത്തു.
സജീവ അക്കൗണ്ടായി തുടരാന്‍ സാധ്യതകള്‍
ഒരു ഉപഭോക്താവ് യഥാർഥത്തിൽ ഒരു സാമ്പത്തികേതര ഇടപാട് നടത്തുമ്പോൾ, അത് അവര്‍ ബാങ്ക് അക്കൗണ്ടിനെക്കുറിച്ച് "അറിയുന്നു" എന്നതിന്‍റെ സൂചനയാണെന്നും അതിനാൽ അതിനെ ഒരു സജീവ അക്കൗണ്ടായി നിലനിര്‍ത്താനുള്ള സാഹചര്യമുണ്ടെന്നും അദ്ദേഹം പറഞ്ഞു.
പ്രവർത്തനരഹിതമായതോ മരവിപ്പിച്ചതോ ആയ അക്കൗണ്ടുകളുടെ പ്രശ്‌നം അടിയന്തരമായി പരിഹരിക്കാൻ ബാങ്കുകളോട് ആർബിഐ ആവശ്യപ്പെട്ട് ദിവസങ്ങൾക്കുള്ളിലാണ് ഇങ്ങനെയൊരു അഭിപ്രായം വരുന്നത്, കൂടാതെ ത്രൈമാസ അടിസ്ഥാനത്തിൽ അതിന്‍റെ പുരോഗതി റിസര്‍വ് ബാങ്കിന് റിപ്പോർട്ട് ചെയ്യാൻ തുടങ്ങുകയും ചെയ്‌തിട്ടുണ്ട്.
നിര്‍ജ്ജീവ അക്കൗണ്ടുകള്‍ക്കായി വാരാന്ത്യ പദ്ധതി
വാരാന്ത്യത്തിൽ പ്രവർത്തനരഹിതമായ അക്കൗണ്ടുകൾക്കായി എസ്ബിഐ പ്രത്യേക ഡ്രൈവ് പ്രഖ്യാപിക്കാനും തുടങ്ങിയിരുന്നു. രാജ്യത്തെ ഏറ്റവും വലിയ വായ്‌പാ ദാതാവിന്‍റെ പ്രവർത്തനരഹിതമായ അക്കൗണ്ടുകളുടെ എണ്ണത്തെക്കുറിച്ചുള്ള കൃത്യമായ ചിത്രം അറിവായിട്ടില്ല.
എസ്ബിഐ അതിന്‍റെ 22,000-ത്തിലധികം വരുന്ന ശാഖാ ശൃംഖലയും ഉദ്യോഗസ്ഥരും പ്രവർത്തനരഹിതമായ അക്കൗണ്ട് ഉടമകളുമായി ബന്ധപ്പെടാൻ ശ്രമിക്കുന്നുണ്ടെന്ന് ഷെട്ടി പറഞ്ഞു.
ബാങ്കുകളുടെ ഇൻഷുറൻസ് മിസ്സെല്ലിംഗ് സാധ്യതയെക്കുറിച്ച് കേന്ദ്ര ധനമന്ത്രി നിർമല സീതാരാമൻ ഉൾപ്പെടെയുള്ളവരുടെ സമീപകാല അഭിപ്രായങ്ങളിൽ, ആശങ്കകൾ പരിഹരിക്കുന്നതിന് ഇൻഷുറൻസ്, പെൻഷനുകൾ, മ്യൂച്വൽ ഫണ്ടുകൾ തുടങ്ങിയവ "സ്വയം ഉപയോഗിക്കേണ്ടതിന്‍റെ ആവശ്യകതയുണ്ടെന്ന് അദ്ദേഹം പറഞ്ഞു.
മൊബൈല്‍ ഇടപാടുകള്‍
ഉപഭോക്താവ് വായ്‌പയ്‌ക്കായി ഒരു ശാഖ സന്ദർശിക്കുമ്പോൾ സാധാരണയായി ചെയ്യുന്ന ഇടപാടുകള്‍ക്ക് പകരം മൊബൈല്‍ ഇടപാടുകളിലൂടെ സാധിക്കും. ബാങ്കുകൾ വിതരണം ചെയ്യുന്ന ഉൽപ്പന്നങ്ങൾ മിസ്‌സെൽ ചെയ്യുന്നതിൽ ഇടപാടുകാര്‍ ഏർപ്പെടാൻ ആഗ്രഹിക്കുന്നില്ലെന്നും എസ്ബിഐ ചെയർമാൻ വ്യക്തമാക്കി.
കായികതാരങ്ങള്‍ക്ക് ആദരം
പാരീസിൽ അടുത്തിടെ സമാപിച്ച പാരാലിമ്പിക്‌സിൽ പുരസ്‌കാരം നേടിയ 29 കായികതാരങ്ങളെ എസ്ബിഐ അനുമോദിച്ച ചടങ്ങിൽ സംസാരിക്കവെയാണ് അദ്ദേഹം ഇക്കാര്യങ്ങള്‍ ചൂണ്ടിക്കാട്ടിയത്. രാജ്യത്തെ ഏറ്റവും വലിയ വായ്‌പാ ദാതാവ് മികച്ച പ്രകടനം ഉറപ്പാക്കാൻ നോക്കുകയാണെന്നും എന്നാൽ തങ്ങളുടെ ശ്രമങ്ങൾ ഭിന്നശേഷിയുള്ള വിഭാഗത്തിൽ കേന്ദ്രീകരിക്കുമെന്നും അദ്ദേഹം വ്യക്തമാക്കി.
സാമൂഹ്യപ്രതിബദ്ധതയ്ക്കായി 630 കോടി
കോർപ്പറേറ്റ് സോഷ്യൽ റെസ്‌പോൺസിബിലിറ്റി പ്രവർത്തനങ്ങൾക്കായി ബാങ്ക് പ്രതിവർഷം 630 കോടി രൂപ ചെലവഴിക്കുന്നു, ഇത് ബാങ്കിന്‍റെ അറ്റാദായത്തിന്‍റെ ഒരു ശതമാനമാണ്. സിഎസ്ആർ ചെലവഴിക്കുന്നതിൽ ഭൂരിഭാഗവും ഗ്രാമീണ മേഖലയിലെ ആളുകൾക്ക് നൈപുണ്യം പ്രാപ്തമാക്കുന്നതിനാണ്, ഇത് സംരംഭകരായ ഗുണഭോക്താക്കളെ പിന്തുണയ്ക്കുന്നതിനുള്ള വ്യവസായ വായ്‌പകളുമായി ബന്ധപ്പെട്ടിരിക്കുന്നുവെന്നും അദ്ദേഹം പറഞ്ഞു.
Also Read; സി എസ് ഷെട്ടി എസ്ബിഐ മേധാവി, നിയമനം മൂന്ന് വര്‍ഷത്തേക്ക്
