ന്യൂഡൽഹി: ഓഗസ്റ്റ് 15ന് ഡൽഹിയിലെ ചരിത്രപ്രസിദ്ധമായ ചെങ്കോട്ടയിൽ 78ാമത് സ്വാതന്ത്ര്യദിനാഘോഷങ്ങള്‍ക്ക് പ്രധാനമന്ത്രി നരേന്ദ്ര മോദി നേതൃത്വം നല്‍കും. അദ്ദേഹം ദേശീയ പതാക ഉയർത്തി ആചാരപരമായ പ്രസംഗം നടത്തും.
'വികസിത് ഭാരത് @ 2047'
'വികസിത് ഭാരത് @ 2047' എന്നതാണ് ഈ വർഷത്തെ സ്വാതന്ത്ര്യദിന പ്രമേയം. 2047ഓടെ രാജ്യത്തെ ഒരു വികസിത രാഷ്‌ട്രമാക്കി മാറ്റാനുള്ള സർക്കാരിന്‍റെ ശ്രമങ്ങൾക്ക് നവോന്മേഷം നൽകുന്നതിനുള്ള വേദിയായി ആഘോഷങ്ങൾ മാറുമെന്ന് ബുധനാഴ്‌ച (ഓഗസ്റ്റ് 14) പുറത്തിറക്കിയ ഔദ്യോഗിക പ്രസ്‌താവനയിൽ പറയുന്നു.
6,000 പ്രത്യേക അതിഥികള്‍: ദേശീയ ആവേശത്തിന്‍റെ ഈ ഉത്സവത്തിൽ ജനകീയ പങ്കാളിത്തം വർധിപ്പിക്കുക എന്ന ലക്ഷ്യത്തോടെ ഈ വർഷം ചെങ്കോട്ടയിൽ നടക്കുന്ന ആഘോഷങ്ങൾക്ക് സാക്ഷ്യം വഹിക്കാൻ 6,000 പ്രത്യേക അതിഥികളെ ക്ഷണിച്ചിട്ടുണ്ട്. യുവാക്കൾ, ആദിവാസി സമൂഹങ്ങൾ, കർഷകർ, സ്‌ത്രീകൾ, മറ്റ് വിശിഷ്‌ടാതിഥികൾ എന്നിങ്ങനെ വിവിധ മേഖലകളിൽ മികവ് തെളിയിച്ചവരാണ് പ്രത്യേക ക്ഷണിതാക്കള്‍. വിവിധ സർക്കാർ പദ്ധതികളുടെ/സംരംഭങ്ങളുടെ സഹായത്തോടെയാണ് ഇവര്‍ വിവിധ മേഖലകളിൽ മികവ് തെളിയിച്ചിട്ടുള്ളത്.
കുട്ടികള്‍ മുതല്‍ ഗോത്രവര്‍ഗ സംരംഭകര്‍ വരെ: അടൽ ഇന്നൊവേഷൻ മിഷൻ, പിഎം ശ്രീ (പ്രൈം മിനിസ്റ്റേഴ്‌സ് സ്‌കൂൾ ഫോർ റൈസിങ് ഇന്ത്യ) പദ്ധതിയിലെ വിദ്യാർഥികളും 'മേരി മാതി മേരാ ദേശ്' എന്നതിന് കീഴിലുള്ള മേരാ യുവ ഭാരത് (MY ഭാരത്), നാഷണൽ സർവീസ് സ്‌കീമിന്‍റെ വോളണ്ടിയർമാരും പരിപാടിയിൽ പങ്കെടുക്കും. അതിഥികളിൽ ആദിവാസി കരകൗശല വിദഗ്‌ധർ/വൻ ധന്‍ വികാസ് അംഗങ്ങൾ, ദേശീയ പട്ടികവർഗ ധനകാര്യ വികസന കോർപറേഷൻ ധനസഹായം നൽകുന്ന ഗോത്രവര്‍ഗ സംരംഭകർ എന്നിവരും ഉൾപ്പെടുന്നു. പ്രധാനമന്ത്രി കിസാൻ സമ്മാൻ നിധി, പ്രധാൻ മന്ത്രി ഫസൽ ബീമായോജന എന്നിവയുടെ ഗുണഭോക്താക്കൾ, കർഷക ഉത്‌പാദക സംഘടനകളുടെ പ്രതിനിധികൾ.
അംഗീകൃത സോഷ്യൽ ഹെൽത്ത് ആക്‌ടിവിസ്റ്റ് (ആശ), ഓക്‌സിലറി നഴ്‌സ് മിഡ്‌വൈഫ് (എഎൻഎം), അംഗൻവാടി പ്രവർത്തകർ, തെരഞ്ഞെടുക്കപ്പെട്ട വനിത പ്രതിനിധികൾ, സങ്കൽപിന്‍റെ ഗുണഭോക്താക്കൾ, സ്‌ത്രീ ശാക്തീകരണത്തിനുള്ള ഹബ്, ലഖ്‌പതി ദീദി, ഡ്രോൺ ദീദി സംരംഭങ്ങൾ, സഖി കേന്ദ്ര പദ്ധതി, ചൈൽഡ് വെൽഫെയർ കമ്മിറ്റിയിലെയും ജില്ല ശിശു സംരക്ഷണ യൂണിറ്റുകളിലെയും പ്രവർത്തകരും ചടങ്ങിന് സാക്ഷ്യം വഹിക്കും.
ഒളിമ്പിക്‌സ് താരങ്ങളും സ്വാതന്ത്ര്യദിനാഘോഷ വേദിയില്‍: അടുത്തിടെ സമാപിച്ച പാരിസ് ഒളിമ്പിക്‌സിൽ പങ്കെടുത്ത ഇന്ത്യൻ സംഘത്തെയും ആഘോഷങ്ങളിൽ പങ്കെടുക്കാൻ ക്ഷണിച്ചിട്ടുണ്ട്. ആസ്‌പിറേഷണൽ ബ്ലോക്ക് പ്രോഗ്രാമിന്‍റെ ഓരോ ബ്ലോക്കിൽ നിന്നും ഒരു അതിഥി, ബോർഡർ റോഡ്‌സ് ഓർഗനൈസേഷന്‍റെ ജീവനക്കാര്‍, PRERANA സ്‌കൂൾ പ്രോഗ്രാമിലെ വിദ്യാർഥികൾ, മുൻഗണന മേഖലയിലെ പദ്ധതികള്‍ പൂര്‍ത്തിയാക്കിയ ഗ്രാമപഞ്ചായത്തുകളിലെ സർപഞ്ചുമാരും പരിപാടിയിൽ പങ്കെടുക്കും.
വിവിധ സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നുമുള്ള 2000ത്തോളം ആളുകളെ പരമ്പരാഗത വസ്‌ത്രം ധരിച്ച് മഹത്തായ ചടങ്ങിന് സാക്ഷ്യം വഹിക്കാൻ ക്ഷണിച്ചിട്ടുണ്ട്. പ്രതിരോധ മന്ത്രാലയം MyGov, ആകാശവാണി എന്നിവയുടെ സഹകരണത്തോടെ സംഘടിപ്പിച്ച വിവിധ ഓൺലൈൻ മത്സരങ്ങളിൽ വിജയിച്ച മൂവായിരം (3,000) പേരും ആഘോഷങ്ങളുടെ ഭാഗമാകും.
പ്രധാനമന്ത്രി ഗാര്‍ഡ് ഓഫ് ഓണര്‍ പരിശോധിക്കും: ചെങ്കോട്ടയിൽ എത്തുന്ന പ്രധാനമന്ത്രിയെ പ്രതിരോധമന്ത്രി രാജ്‌നാഥ് സിങ്, പ്രതിരോധ സഹമന്ത്രി സഞ്ജയ് സേത്ത്, പ്രതിരോധ സെക്രട്ടറി ഗിരിധർ അര്‍മാനെ എന്നിവർ ചേർന്ന് സ്വീകരിക്കും. ജനറൽ ഓഫിസർ കമാൻഡിങ് (GoC), ഡൽഹി ഏരിയ ലെഫ്റ്റനന്‍റ് ജനറൽ ഭവ്നിഷ് കുമാറിനെ പ്രതിരോധ സെക്രട്ടറി പ്രധാനമന്ത്രിക്ക് പരിചയപ്പെടുത്തും. അദ്ദേഹം പിന്നീട് പ്രധാനമന്ത്രി നരേന്ദ്ര മോദിയെ സല്യൂട്ടിങ് ബേസിലേക്ക് കൊണ്ടുപോകും. അവിടെ ഇന്‍റര്‍-സർവീസുകളും ഡൽഹി പൊലീസ് ഗാർഡും സംയുക്തമായി പ്രധാനമന്ത്രിക്ക് സല്യൂട്ട് നൽകും. തുടർന്ന് പ്രധാനമന്ത്രി ഗാർഡ് ഓഫ് ഓണർ പരിശോധിക്കും.
പ്രധാനമന്ത്രിക്ക് ഗാര്‍ഡ് ഓഫ് ഓണര്‍ നല്‍കുന്നത് കര-നാവിക-വ്യോമസേനകള്‍: പ്രധാനമന്ത്രിക്കുള്ള ഗാർഡ് ഓഫ് ഓണർ സംഘത്തിൽ കരസേന, നാവികസേന, വ്യോമസേന, ഡൽഹി പൊലീസ് എന്നിവിടങ്ങളിൽ നിന്നുള്ളവരുണ്ടാകും. ഇന്ത്യൻ നേവിയാണ് ഈ വർഷത്തെ ഏകോപന സേവനം. കമാൻഡർ അരുൺ കുമാർ മേത്തയുടെ നേതൃത്വത്തിലാണ് ഗാർഡ് ഓഫ് ഓണർ. പ്രധാനമന്ത്രിയുടെ ഗാർഡിലുള്ള സൈനിക സംഘത്തിന് മേജർ അർജുൻ സിങ് നേതൃത്വം നൽകും. നാവികസേന കമാൻഡർ ഗുലിയ ഭാവേഷ് എൻകെയുടെ സംഘവും സ്ക്വാഡ്രൺ ലീഡർ അക്ഷര ഉണ്യാലിന്‍റെ വ്യോമസേന സംഘവുമാണ് നയിക്കുക. അഡിഷണൽ ഡിസിപി അനുരാഗ് ദ്വിവേദിയാണ് ഡൽഹി പൊലീസ് സംഘത്തെ നയിക്കുക.
പതാക ഉയര്‍ത്തല്‍: ഗാർഡ് ഓഫ് ഓണർ പരിശോധിച്ച ശേഷം പ്രധാനമന്ത്രിയെ ചെങ്കോട്ടയുടെ അകത്തളത്തിലേക്ക് പോകും. അവിടെ രാജ്‌നാഥ് സിങ്, സഞ്ജയ് സേത്ത്, ചീഫ് ഓഫ് ഡിഫൻസ് സ്റ്റാഫ് ജനറൽ അനിൽ ചൗഹാൻ, കരസേന മേധാവി ജനറൽ ഉപേന്ദ്ര ദ്വിവേദി, നേവൽ സ്റ്റാഫ് അഡ്‌മിറൽ ദിനേശ് കെ ത്രിപാഠിയും എയർ സ്റ്റാഫ് ചീഫ് എയർ ചീഫ് മാർഷൽ വിആർ ചൗധരി എന്നിവർ അദ്ദേഹത്തെ അഭിവാദ്യം ചെയ്യും. പിന്നീട് ദേശീയ പതാക ഉയർത്തുന്നതിനായി പ്രധാനമന്ത്രിയെ വേദിയിലേക്ക് കൊണ്ടുപോകും. ലഫ്റ്റനന്‍റ് സഞ്ജീത് സൈനി ദേശീയ പതാക ഉയർത്തുന്നതിൽ പ്രധാനമന്ത്രിയെ സഹായിക്കും.
ആർമി, നേവി, എയർഫോഴ്‌സ് എന്നിവിടങ്ങളിൽ നിന്നുള്ള ഒരു ഓഫിസറും 32 മറ്റ് റാങ്കുകളും ഡൽഹി പൊലീസിലെ 128 ഉദ്യോഗസ്ഥരും അടങ്ങുന്ന ദേശീയ പതാക ഗാർഡ് പ്രധാനമന്ത്രി ദേശീയ പതാക ഉയർത്തുന്ന സമയത്ത് രാഷ്ട്രീയ സല്യൂട്ട് സമർപ്പിക്കും. ഈ ഇന്‍റര്‍ സർവീസ് ഗാർഡിന്‍റെയും പൊലീസ് ഗാർഡിന്‍റെയും കമാൻഡർ വിനയ് ദുബെ ആയിരിക്കും.
ദേശീയ പതാക ഗാർഡിലെ കരസേന സംഘത്തിന് മേജർ ദിനേശ് നങ്കോമും നേവൽ സംഘത്തെ ലഫ്റ്റനന്‍റ് കമാൻഡർ സച്ചിൻ ധൻഖറും വ്യോമസേന സംഘത്തെ സ്ക്വാഡ്രൺ ലീഡർ സിഎസ് ശ്രാവൺ ദേവയ്യയും നയിക്കും. അഡിഷണൽ ഡിസിപി അച്ചിൻ ഗാർഗാണ് ഡൽഹി പൊലീസ് സംഘത്തെ നയിക്കുക.
'രാഷ്ട്രീയ സല്യൂട്ട്'
ത്രിവർണപതാക അഴിച്ചുമാറ്റിയ ശേഷം 'രാഷ്ട്രീയ സല്യൂട്ട്' സ്വീകരിക്കും. ഒരു ജെസിഒയും 25 മറ്റ് റാങ്കുകളും അടങ്ങുന്ന പഞ്ചാബ് റെജിമെന്‍റ് മിലിട്ടറി ബാൻഡ് ദേശീയ പതാക ഉയർത്തുന്ന സമയത്ത് ദേശീയ ഗാനം ആലപിക്കുകയും 'രാഷ്ട്രീയ സല്യൂട്ട്' അവതരിപ്പിക്കുകയും ചെയ്യും. സുബേദാർ മേജർ രജീന്ദർ സിങ് ബാൻഡ് അവതരിപ്പിക്കും.
പ്രധാനമന്ത്രി ദേശീയ പതാക ഉയർത്തിയാലുടൻ ലൈൻ ആസ്റ്റേൺ ഫോർമേഷനിൽ ഇന്ത്യൻ വ്യോമസേനയുടെ രണ്ട് അഡ്വാൻസ്‌ഡ് ലൈറ്റ് ഹെലികോപ്റ്ററുകൾ ധ്രുവ് വേദിയിൽ പുഷ്‌പങ്ങൾ വർഷിക്കും. വിങ് കമാൻഡർ ആംബർ അഗർവാളും വിങ് കമാൻഡർ രാഹുൽ നൈൻവാളുമാണ് ഹെലികോപ്റ്ററുകളുടെ ക്യാപ്റ്റൻമാർ.
രാജ്യത്തെ അഭിസംബോധന ചെയ്യും: ഇതിനെല്ലാം ശേഷം പ്രധാനമന്ത്രി രാജ്യത്തെ അഭിസംബോധന ചെയ്യും. അദ്ദേഹത്തിന്‍റെ പ്രസംഗത്തിന്‍റെ സമാപനത്തിൽ നാഷണൽ കേഡറ്റ് കോർപ്‌സിന്‍റെ (എൻസിസി) കേഡറ്റുകൾ ദേശീയ ഗാനം ആലപിക്കും. രാജ്യത്തുടനീളമുള്ള വിവിധ സ്‌കൂളുകളിൽ നിന്നുള്ള 2,000 ആൺകുട്ടികളും പെൺകുട്ടികളും (ആർമി, നേവി, എയർഫോഴ്‌സ്) കേഡറ്റുകൾ ആഘോഷങ്ങളിൽ പങ്കെടുക്കും. ഈ കേഡറ്റുകൾ റാംപാർട്ടിന് എതിർവശത്തുള്ള ഗ്യാൻപഥിൽ ഇരിക്കും. ഇഷ്‌ടാനുസൃതമാക്കിയ ത്രിവർണ കിറ്റുകൾ ഉപയോഗിച്ച് അവർ 'മൈ ഭാരത്' ലോഗോ രൂപീകരിക്കും. മൊത്തം 500 നാഷണൽ സർവീസ് സ്‌കീം (എൻഎസ്എസ്) വോളണ്ടിയർമാരും ആഘോഷത്തില്‍ പങ്കെടുക്കും.
