ശ്രീനഗർ: ജമ്മു കശ്‌മീർ നിയമസഭ തെരഞ്ഞെടുപ്പിൽ ഡോ. ഫാറൂഖ് അബ്‌ദുള്ളയുടെ നേതൃത്വത്തിലുള്ള നാഷണൽ കോൺഫറൻസിന്‍റെ (എൻസി) വിജയത്തില്‍ അഭിനന്ദനമറിയിച്ച് പ്രധാനമന്ത്രി നരേന്ദ്ര മോദി. ആർട്ടിക്കിൾ 370 എടുത്തുകളഞ്ഞതിന് ശേഷം ആദ്യമായി നടന്ന തെരഞ്ഞെടുപ്പ് ജനാധിപത്യത്തിലുള്ള ജനങ്ങളുടെ വിശ്വാസം രേഖപ്പെടുത്തിയതായെന്ന് മോദി പറഞ്ഞു. 90 അംഗ നിയമസഭയില്‍ 46ല്‍ അധികം സീറ്റുകളാണ് ഇന്ത്യ സഖ്യം നേടിയത്. എന്‍സിക്ക് 42 സീറ്റുകളും ലഭിച്ചു.
'ജമ്മു കശ്‌മീരിലെ ഈ തെരഞ്ഞെടുപ്പുകൾ വളരെ പ്രത്യേകതയുള്ളതാണ്. ആർട്ടിക്കിൾ 370, 35(എ) എന്നിവ നീക്കം ചെയ്‌തതിന് ശേഷം ആദ്യമായി നടന്ന തെരഞ്ഞെടുപ്പിൽ ഉയർന്ന പോളിങ്ങാണ് രേഖപ്പെടുത്തിയത്. ജനാധിപത്യത്തിലുള്ള ജനങ്ങളുടെ വിശ്വാസമാണിത് കാണിക്കുന്നത്'- മോദി എക്‌സില്‍ കുറിച്ചു.
I would like to compliment JKNC for their commendable performance in the Jammu and Kashmir Assembly elections. @JKNC_
— Narendra Modi (@narendramodi) October 8, 2024
I am proud of the BJP’s performance in Jammu and Kashmir. I thank all those who have voted for our Party and placed their trust in us. I assure the people that we will keep working for the welfare of Jammu and Kashmir. I also appreciate the industrious efforts of our Karyakartas.…
— Narendra Modi (@narendramodi) October 8, 2024
അതേസമയം, ബിജെപിയുടെ പ്രകടനത്തിൽ പ്രധാനമന്ത്രി അഭിമാനം പ്രകടിപ്പിക്കുകയും വോട്ടർമാരുടെ പിന്തുണയ്ക്ക് നന്ദി അറിയിക്കുകയും ചെയ്‌തു. 'ജമ്മു കശ്‌മീരിലെ ബിജെപിയുടെ പ്രകടനത്തിൽ ഞാൻ അഭിമാനിക്കുന്നു.
These elections in Jammu and Kashmir have been very special. They were held for the first time after the removal of Articles 370 and 35(A) and witnessed a high turnout, thus showing the people’s belief in democracy. I compliment each and every person of Jammu and Kashmir for…
— Narendra Modi (@narendramodi) October 8, 2024
ഞങ്ങളുടെ പാർട്ടിക്ക് വോട്ട് ചെയ്യുകയും ഞങ്ങളിൽ വിശ്വാസമർപ്പിക്കുകയും ചെയ്‌ത എല്ലാവർക്കും നന്ദി പറയുന്നു. ജമ്മു കശ്‌മീരിന്‍റെ ക്ഷേമത്തിനായി ഞങ്ങൾ തുടർന്നും പ്രവർത്തിക്കുമെന്ന് ഞാൻ ജനങ്ങൾക്ക് ഉറപ്പ് നൽകുന്നു'- മോദി കൂട്ടിച്ചേർത്തു. ജമ്മു കശ്‌മീർ അസംബ്ലി തെരഞ്ഞെടുപ്പിലെ പ്രശംസനീയമായ പ്രകടനത്തിന് ജെകെഎൻസിയെ അഭിനന്ദിക്കാൻ ഞാൻ ആഗ്രഹിക്കുന്നു എന്നും മോദി എക്‌സില്‍ കുറിച്ചു.
