ഉത്തർപ്രദേശിലെ ഹത്രാസിൽ സത്സംഗിനിടെയുണ്ടായ തിക്കും തിരക്കും വന്‍ ദുരന്തമായി മാറിയിരിക്കുകയാണ്. സ്‌ത്രീകളും കുട്ടികളും ഉള്‍പ്പെടെ 100-ല്‍ ഏറെ പേര്‍ക്കാണ് ദാരുണാന്ത്യം സംഭവിച്ചത്. നിരവധി പേര്ക്ക് പരിക്കേല്‍ക്കുകയും ചെയ്‌തിട്ടുണ്ട്. പുൽരായ് ഗ്രാമത്തിലെ 'സത്സംഗ്' ചടങ്ങിനിടെയാണ് ദുരന്തമുണ്ടായത്. ഇന്ത്യയില്‍ നേരത്തെയും തിക്കിലും തിരക്കിലും പെട്ട് നിരവധി പേര്‍ മരണപ്പെടുകയും പരിക്കേല്‍ക്കുകയും ചെയ്‌ത സംഭവം ഉണ്ടായിട്ടുണ്ട്. ദുരന്തങ്ങള്‍ ആവര്‍ത്തിക്കുന്ന സാഹചര്യത്തില്‍ അവ വീണ്ടും ഓര്‍ക്കാം.
25.03.2024: കൊല്ലം കൊട്ടൻകുളങ്ങര ക്ഷേത്രത്തിലുണ്ടായ തിക്കിലും തിരക്കിലും പെട്ട് അഞ്ചുവയസുകാരി മരിച്ചു.
17.03.2024: ഉത്തർപ്രദേശിലെ മഥുരയിലെ ആദരണീയമായ ശ്രീജി ക്ഷേത്രത്തിൽ ഹോളിക്ക് മുമ്പുള്ള പരിപാടിക്കിടെ തിക്കിലും തിരക്കിലും പെട്ട് കുറഞ്ഞത് ആറ് ഭക്തർ ബോധരഹിതരായി, നിരവധി പേര്ക്ക് പരിക്കേറ്റതായും റിപ്പോർട്ട് ചെയ്യപ്പെട്ടു.
24.12.2023: മഥുര ക്ഷേത്രത്തിൽ തിക്കും തിരക്കും കാരണം രണ്ട് സ്‌ത്രീ ഭക്തർ ശ്വാസം മുട്ടി മരിച്ചു. ഉത്തർപ്രദേശിലെ മഥുരയിലെ ബങ്കെ ബിഹാരി ക്ഷേത്രത്തിലാണ്‌ സംഭവം.
20.08.2022: ഉത്തർപ്രദേശിലെ വൃന്ദാവനിലുള്ള ബാങ്കെ ബിഹാരി ക്ഷേത്രത്തിലുണ്ടായ തിക്കിലും തിരക്കിലും പെട്ട് 65 വയസുള്ള ഒരു പുരുഷനും 55 വയസുള്ള ഒരു സ്‌ത്രീയും മരിച്ചു, ഏഴ് ഭക്തർക്ക് പരിക്കേറ്റു.
01.01.2022: ജമ്മു കശ്‌മീരിലെ പ്രശസ്‌തമായ മാതാ വൈഷ്ണോ ദേവി ക്ഷേത്രത്തിലുണ്ടായ തിക്കിലും തിരക്കിലും പെട്ട് 12 പേർ മരിക്കുകയും ഒരു ഡസനിലധികം പേർക്ക് പരിക്കേൽക്കുകയും ചെയ്‌തു.
21.04.2019: തമിഴ്‌നാട്ടിലെ തിരുച്ചിയിൽ ക്ഷേത്രോത്സവത്തിനിടെ തിക്കിലും തിരക്കിലും പെട്ട് ഏഴു മരണം. ട്രിച്ചി മുത്തയംപാളയം ഗ്രാമത്തിലെ കറുപ്പസാമി ക്ഷേത്രത്തിലെ ചിത്ര പൗർണമി ഉത്സവത്തിനിടെ രാവിലെ 11 മണിയോടെയാണ് സംഭവം. ക്ഷേത്രത്തിലെ കറുപ്പസാമി വിഗ്രഹത്തിന് മുമ്പിൽ പൂജാരിയിൽ നിന്ന് നാണയങ്ങൾ ശേഖരിക്കുന്ന ചടങ്ങിലാണ്‌ നിരവധി പേർ തിക്കിലും തിരക്കിലും പെട്ടത്.
10.08.2015: ജാർഖണ്ഡിലെ ദിയോഘർ പട്ടണത്തിലെ ക്ഷേത്രത്തിലുണ്ടായ തിക്കിലും തിരക്കിലും പെട്ട് 11 പേർ മരിക്കുകയും 50 പേർക്ക് പരിക്കേൽക്കുകയും ചെയ്‌തു. ജാർഖണ്ഡിലെ ബൈദ്യനാഥ് ജ്യോതിർലിംഗ ക്ഷേത്രത്തിന്‍റെ വാതിലുകൾ തുറന്നതിന് തൊട്ടുപിന്നാലെ തീർഥാടകർ കെട്ടിടത്തിലേക്ക് കുതിച്ചെത്തിയതിനെ തുടർന്നാണ് തിക്കിലും തിരക്കിലും പെട്ടത്.
14.07.2014: ആന്ധ്രയിലെ രാജമുന്ദ്രിയിൽ നടന്ന പുഷ്‌കരം ഉത്സവത്തിന്‍റെ ഉദ്ഘാടന ദിനത്തിൽ ഗോദാവരി നദീതീരത്തെ പ്രധാന സ്‌നാനകേന്ദ്രത്തിലുണ്ടായ തിക്കിലും തിരക്കിലും പെട്ട് 27 തീർഥാടകർ മരിക്കുകയും 20 പേർക്ക് പരിക്കേൽക്കുകയും ചെയ്‌തു.
25.08.2014: മധ്യപ്രദേശിലെ സത്‌ന ജില്ലയിലെ കാംത നാഥ ക്ഷേത്രത്തിൽ തിക്കിലും തിരക്കിലും പെട്ട് പത്ത് തീർത്ഥാടകർ മരിക്കുകയും 20 പേർക്ക് പരിക്കേൽക്കുകയും ചെയ്‌തു.
13.10.2013: മധ്യപ്രദേശിലെ ദാതിയയിൽ രത്തൻഗഡ് ഹിന്ദു ക്ഷേത്രത്തിന് സമീപം തിക്കിലും തിരക്കിലും പെട്ട് 89 പേർ കൊല്ലപ്പെടുകയും നൂറിലധികം പേർക്ക് പരിക്കേൽക്കുകയും ചെയ്‌തു. ലക്ഷക്കണക്കിന് ഭക്തർ തടിച്ചുകൂടിയ രത്തൻഗഡിലെ ക്ഷേത്രത്തിലേക്കുള്ള സിന്ധ് നദിക്ക് കുറുകെയുള്ള പാലത്തിലുണ്ടായ തിക്കിലും തിരക്കിലും പെട്ട് 89 പേർ മരിച്ചു, പാലം തകരുന്നു എന്ന്‌ ചില അജ്ഞാതരുടെ അഭ്യൂഹത്തെത്തുടർന്നാണ്‌ സംഭവം.
14.01.2011: കേരളത്തിൽ ശബരിമലയിൽ തിക്കിലും തിരക്കിലും പെട്ട് 106 തീർഥാടകർ മരിച്ചു.
04.03.2010: ഉത്തർപ്രദേശിലെ പ്രതാപ്‌ഗഡിലെ രാം ജാങ്കി ക്ഷേത്രത്തിലുണ്ടായ തിക്കിലും തിരക്കിലും പെട്ട് 63 പേർ മരിച്ചു. കൃപാലു മഹാരാജ് സംഘടിപ്പിച്ച ഭണ്ഡാരത്തിന് (കമ്മ്യൂണിറ്റി ഉച്ചഭക്ഷണം) അയ്യായിരത്തോളം ഭക്തർ തടിച്ചുകൂടിയ പ്രതാപ്‌ഗഢ് ജില്ലയിലെ മാൻഗർഹ് പ്രദേശത്തുള്ള രാം ജാങ്കി ക്ഷേത്രത്തിൽ മതപരമായ സഭയ്ക്കിടെയാണ്‌ തിക്കിലും തിരക്കിലും പെട്ടത്.
30.09.2008: രാജസ്ഥാനിലെ ജോധ്പൂരിലെ മെഹ്‌റാൻഗഡ് കോട്ട വളപ്പിനുള്ളിൽ സ്ഥിതി ചെയ്യുന്ന ചാമുണ്ഡ ദേവി ക്ഷേത്രത്തിലുണ്ടായ തിക്കിലും തിരക്കിലും പെട്ട് 244 പേർ ശ്വാസം മുട്ടി മരിച്ചു. 300 ഓളം ഭക്തർ തിങ്ങിനിറഞ്ഞ ക്ഷേത്രത്തിലെ ദേവതയിലേക്ക് നയിക്കുന്ന ഇടുങ്ങിയ വഴിയിലാണ് സംഭവം.
03.08.2006: ഹിമാചൽ പ്രദേശിലെ നൈനാ ദേവി ക്ഷേത്രത്തിലുണ്ടായ തിക്കിലും തിരക്കിലും പെട്ട് 150 ഓളം ഭക്തർ കൊല്ലപ്പെടുകയും 400 ഓളം പേർക്ക് പരിക്കേൽക്കുകയും ചെയ്‌തു. സമീപത്തെ കുന്നിൻ മുകളിൽ നിന്ന് ഉരുൾപൊട്ടലും പാറക്കെട്ടുകൾ ഉരുണ്ടുകയറുമെന്ന അഭ്യൂഹങ്ങൾ ഭക്തരിൽ ഭീതി പടർത്തിയതോടെയാണ്‌ തിക്കും തിരക്കും രൂപപ്പെട്ടത്‌.
26.01.2005: പടിഞ്ഞാറൻ മഹാരാഷ്‌ട്രയിലെ സത്താറ ജില്ലയിൽ വായ്ക്ക് സമീപമുള്ള മന്ധർ ദേവി ക്ഷേത്രത്തിലെ വയറിങ്ങിലെ വൈദ്യുത ഷോർട്ട് സർക്യൂട്ടിൽ നിന്ന് തീപ്പൊരി വീണതിനെ തുടർന്ന് പരിഭ്രാന്തരായി ആയിരക്കണക്കിന് ഭക്തർ തടിച്ചുകൂടി. ജനക്കൂട്ടം ക്ഷേത്രത്തിലേക്കുള്ള ഇടുങ്ങിയ പാതയിലേക്ക് ഓടിക്കയറി, ആളുകൾ പരസ്‌പരം ഇടിച്ചു വീഴുകയും 291 പേർ മരിക്കുകയും 200 ഓളം പേർക്ക് പരിക്കേൽക്കുകയും ചെയ്‌തു.
27.08.2003: മഹാരാഷ്‌ട്രയിലെ നാസിക് ജില്ലയിൽ കുംഭമേളയിൽ പുണ്യ സ്‌നാനത്തിനിടെയുണ്ടായ തിക്കിലും തിരക്കിലും പെട്ട് 39 പേർ മരിക്കുകയും 140 ഓളം പേർക്ക് പരിക്കേൽക്കുകയും ചെയ്‌തു.
ALSO READ: ഹാത്രസിൽ മത ചടങ്ങിനിടെ വന്‍ ദുരന്തം; തിക്കിലും തിരക്കിലും പെട്ട് 87 പേർ മരിച്ചു
