റാഞ്ചി (ജാർഖണ്ഡ്) : മൂന്നാം തവണയും സത്യപ്രതിജ്ഞ ചെയ്‌ത് അധികാരമേറ്റ് മുഖ്യമന്ത്രി ഹേമന്ത് സോറൻ. ഹേമന്ത് സോറന്‍റെ നേതൃത്വത്തിലുള്ള ജാർഖണ്ഡിലെ പുതിയ സർക്കാരിന്‍റെ വിശ്വാസ വോട്ടെടുപ്പ് ജൂലൈ 8 ന് ജാർഖണ്ഡ് നിയമസഭയുടെ പ്രത്യേക സമ്മേളനത്തിൽ നടക്കും.
ജാർഖണ്ഡിൻ്റെ 13-ാമത് മുഖ്യമന്ത്രിയായി ഹേമന്ത് സോറൻ ഇന്ന് (ജൂലൈ 4) വൈകിട്ടാണ് റാഞ്ചിയിലെ രാജ്ഭവനിൽ സത്യപ്രതിജ്ഞ ചെയ്‌ത് അധികാരമേറ്റത്. ഭാരതീയ ജനത പാർട്ടിക്കെതിരെ മറഞ്ഞിരിക്കുന്ന ആക്രമണത്തിൽ, ജാർഖണ്ഡ് മുക്തി മോർച്ച എക്‌സിക്യൂട്ടീവ് പ്രസിഡൻ്റ് ഹേമന്ത് സോറൻ വ്യാഴാഴ്‌ച (ജൂൺ 4) ബിജെപിയെ രൂക്ഷമായി വിമർശിക്കുകയും "അധികാരത്തിൻ്റെ ലഹരിപിടിച്ച അഹങ്കാരികൾ" തന്നെ "നിശബ്‌ദനാക്കാൻ" ശ്രമിച്ചുവെന്നും എന്നാൽ ജനങ്ങളുടെ പിന്തുണയോടെ താൻ ജയിലിൽ നിന്നും മോചിതനായി എന്നും പറഞ്ഞു. ഭൂമി കുംഭകോണ കേസുമായി ബന്ധപ്പെട്ട് അഞ്ച് മാസം ജയിലിൽ കിടന്നതിന് ശേഷം ജൂൺ 28 നാണ് ഹേമന്ത് സോറന് ജാർഖണ്ഡ് ഹൈക്കോടതി ജാമ്യം അനുവദിച്ചത്.
ചപെംയ്‌ സോറൻ മുഖ്യമന്ത്രി സ്ഥാനത്ത് നിന്ന് രാജിവച്ചതിന് തൊട്ടുപിന്നാലെയാണ് ജാർഖണ്ഡ് ഗവർണർ സി പി രാധാകൃഷ്‌ണൻ സംസ്ഥാനത്ത് സർക്കാർ രൂപീകരിക്കാൻ ഹേമന്ത് സോറനെ ക്ഷണിച്ചത്. ഗവർണറുടെ ക്ഷണം സ്വീകരിച്ച് റാഞ്ചിയിലെ രാജ്ഭവനിൽ എത്തിയ ഹേമന്ത് സോറനെ ഇന്ത്യൻ ബ്ലോക്ക് നേതാക്കൾക്കൊപ്പം ഗവർണർ നിയുക്ത മുഖ്യമന്ത്രിയായി തീരുമാനിക്കുകയായിരുന്നു.
'ശ്രേഷ്‌ഠനായ ഗവർണർക്ക് നന്ദി. പ്രതിപക്ഷം പയറ്റിയ ജനാധിപത്യ വിരുദ്ധ ഗൂഢാലോചനയുടെ അന്ത്യം ആരംഭിച്ചു. സത്യമേവ ജയതേ,' - ഹേമന്ത് സോറൻ എക്‌സിൽ പോസ്‌റ്റ് ചെയ്‌തു.
സത്യപ്രതിജ്ഞ ചെയ്‌ത് അഞ്ച് മാസത്തിനകം ചംപെയ് സോറൻ മുഖ്യമന്ത്രി സ്ഥാനം രാജിവയ്‌ക്കുകയും, ആ സ്ഥാനം പിന്നീട് ഹേമന്ത് സോറനിലേക്ക് എത്തുകയും ആയിരുന്നു. 'കുറച്ച് മാസങ്ങൾക്ക് മുൻപ് എന്നെ മുഖ്യമന്ത്രിയാക്കുകയും സംസ്ഥാനത്തിൻ്റെ ചുമതല എനിക്ക് ലഭിക്കുകയും ചെയ്‌തിരുന്നു. എന്നാൽ ഹേമന്ത് സോറൻ തിരിച്ചെത്തിയതിന് ശേഷം അദ്ദേഹത്തെ മുഖ്യമന്ത്രിയാക്കണമെന്നത് ഞങ്ങളുടെ സഖ്യം തീരുമാനമെടുത്തു. അതിനാലാണ് താൻ സ്ഥാനമൊഴിഞ്ഞത്' -ചംപെയ് സോറൻ മാധ്യമപ്രവർത്തകരോട് പറഞ്ഞു.
ഈ വർഷം ഫെബ്രുവരി രണ്ടിന് രാജ്ഭവനിൽ വച്ചാണ് ചംപെയ് സോറൻ ജാർഖണ്ഡ് മുഖ്യമന്ത്രിയായി സത്യപ്രതിജ്ഞ ചെയ്‌തത്. ജാർഖണ്ഡിൽ സർക്കാർ രൂപീകരിക്കാൻ അവകാശവാദമുന്നയിച്ച ശേഷം, എല്ലാത്തിൻ്റെയും വിശദാംശങ്ങൾ ഉടൻ പങ്കിടുമെന്ന് ജെഎംഎം എക്‌സിക്യൂട്ടീവ് പ്രസിഡൻ്റ് പറഞ്ഞു.
ജനുവരി 31ന് അറസ്‌റ്റിലാകുന്നതിന് മുമ്പ് ഹോമന്ദ് സോറൻ മുഖ്യമന്ത്രി സ്ഥാനം രാജിവച്ചിരുന്നു. ഭൂമി തട്ടിപ്പ്, കള്ളപ്പണം വെളുപ്പിക്കൽ എന്നിവയുമായി ബന്ധപ്പെട്ട കുറ്റങ്ങൾ ചുമത്തിയാണ് എൻഫോഴ്സ്മെൻ്റ് ഡയറക്‌ടറേറ്റ് (ഇഡി) അദ്ദേഹത്തെ അറസ്‌റ്റ് ചെയ്‌തത്.
Also Read: വീണ്ടും ജാർഖണ്ഡ് മുഖ്യമന്ത്രിയായി ഹേമന്ത് സോറൻ; അധികാരത്തിലെത്തുന്നത് മൂന്നാം തവണ
