മുംബൈ: ബോംബ് ഭീഷണിയെ തുടർന്ന് ചെന്നൈയിൽ നിന്ന് മുംബൈയിലേക്ക് സർവീസ് നടത്തുന്ന ഇൻഡിഗോ വിമാനം അടിയന്തരമായി നിലത്തിറക്കി. ഇന്ന് (ജൂൺ 1) രാവിലെ 8.45നാണ് സംഭവം. 172 യാത്രക്കാരുമായി മുംബൈയിലേക്ക് പോവുകയായിരുന്ന ചെന്നൈ-മുംബൈ ഇൻഡിഗോ 6E5314 വിമാനമാണ് ബോംബ് ഭീഷണിയെ തുടർന്ന് മുംബൈ വിമാനത്താവളത്തിൽ ലാൻഡിങ് നടത്തിയത്.
കഴിഞ്ഞ ആഴ്‌ചയും സമാനസംഭവം ഉണ്ടായിരുന്നു. മെയ് 28 ന് ഡൽഹിയിൽ നിന്ന് വാരണാസിയിലേക്കുള്ള ഇൻഡിഗോ വിമാനത്തിന് ഭീഷണി സന്ദേശം ലഭിച്ചിരുന്നു. യാത്രക്കാരെ മുഴുവൻ ഇറക്കിയതിന് ശേഷം വിമാനം ഐസൊലേഷൻ ബേയിലേക്ക് മാറ്റിയതായി അധികൃതര്‍ അറിയിച്ചു. യാത്രക്കാർ സുരക്ഷിതരാണെന്നും അധികൃതർ അറിയിച്ചു.
