इराणमधील हिजाबविरोधी आंदोलनाला केरळमधील महिलांची साथ; हिजाब जाळून केला निषेध

तिरुअनंतपुरम (केरळ) - सक्तीच्या हिजाबबाबत इराणमध्ये सरकारविरोधात अनेक दिवसांपासून निदर्शने सुरू आहेत. यादरम्यान अनेकांना जीव गमवावा लागला आहे. त्याचवेळी आता या हिजाबविरोधातील निषेधाची ज्योत भारतात पोहोचली आहे. केरळमधील कोझिकोडमध्ये महिलांनी रविवार काल (दि. 6 नोव्हेंबर)रोजी हिजाब जाळून निषेध केला. यावेळी लोकांनी इराणमधील हिजाबविरोधी चळवळीशी एकजुटीचा संदेश दिला. निदर्शनात महिला मोठ्या संख्येने सहभागी झाल्या होत्या.