World Samosa Day 2023 : जागतिक समोसा दिवस 2023; जाणून घ्या भारतात कधी आणि कुठून आला समोसा...

10 व्या शतकाच्या आसपास मध्य आशियातून आलेला, समोसा आता भारतातील सर्वात लोकप्रिय स्नॅक्सपैकी एक आहे. आपल्या देशात समोशाशिवाय जीवन अपूर्ण आहे इतका तो लोकप्रिय झाला आहे. त्याच्या लोकप्रियतेमुळे आता दरवर्षी 05 सप्टेंबर रोजी जागतिक समोसा दिन साजरा केला जातो.

हैदराबाद : समोसा हे असं स्नॅक्स आहे ज्याचं नाव ऐकताच लहान मुलं, तरुण, वृद्ध सगळ्यांच्या तोंडाला पाणी सुटतं. देशातच नाही तर परदेशातही लोक अगदी चवीने समोसा खातात. लोकांना समोसे इतके आवडतात की आता तो 'कॉन्टिनेंटल स्नॅक' बनला आहे. ही लोकप्रियता लक्षात घेऊन दरवर्षी ५ सप्टेंबर रोजी 'जागतिक समोसा दिन' साजरा केला जातो. समोशाची चव आवडत नाही, असा खवय्या विरळाच. हा समोसा भारतात आला कुठून आणि कधी आला याचा विचार तुम्ही केला आहे का? समोसा हा पर्शियन शब्द 'संमोक्सा' पासून आला आहे. समोसा 10 व्या शतकापूर्वी मध्य पूर्व मध्ये चर्चेत आला आणि 13 व्या आणि 14 व्या शतकात भारतात आला.

इराणमधून भारतात आला समोसा : समोसा भारतात विदेशी व्यापाऱ्यांकडून आला. तेव्हापासून त्याची चव प्रत्येकाच्या जिभेवर रुळली आणि आज तो एक मनपसंत नाश्ता बनला आहे. मैदा, बटाटे आणि मसाल्यापासून समोसा तयार केला जातो. समोशाबद्दलच्या अनेक कथा आजही खूप प्रसिद्ध आहेत. काही कथांमध्ये असं सांगितलं जातं की, समोसा मूळचा इराणचा. तिथून तो भारतात आला. दुसरीकडे याविषयी असंही म्हटलं जातं की, दहाव्या शतकात महमूद गझनवीच्या दरबारात एक शाही पेस्ट्री सादर केली गेली होती, ज्यामध्ये मांस भरलेले होते. दिसायला अगदी समोशासारखाच होता. त्यामुळे येथूनच समोशांचा परिचय झाला.